گڈ تھینکرز آگنائزیشن قصور کا الیکشن کمیشن آف پاکستان کی ہدایت پر،خواتین کے قومی شناختی کارڈ بنوانے کیلئے خصوصی مہم کا آغاز

منگل 22 مئی 2018 12:57

قصور۔22 مئی(اُردو پوائنٹ اخبارتازہ ترین۔ 22 مئی2018ء) گٴْڈ تھینکرز آرگنائزیشن نے قصورمیں24000 سے زائد خواتین کو ووٹ کا حق دلوا کر جمہوریت کے استحکام میں اہم کردار ادا کیا ہے۔ضلع قصور میں ابھی بھی ایک لاکھ کے قریب ایسی خواتین موجود ہیں جن کے آج تک قومی شناختی کارڈ ہی نہیں بنے اور نہ ہی انہوںنے کبھی ووٹ ڈالا۔ ان خیالات کا اظہار وقاص عابد ایڈووکیٹ صدر گٴْڈ تھینکرزآرگنازیشن نے میڈیا سے گفتگو کے دوران کیا۔

وقاص عابد ایڈووکیٹ نے مزید واضح کیا کہ گٴْڈ تھینکرزآگنائزیشن قصور نے الیکشن کمیشن آف پاکستان کی ہدایت پر، ٹی ڈی ای اے اور یو این ڈی پی کے تعاون سے خواتین کے قومی شناختی کارڈ بنوانے کیلئے خصوصی مہم کا آغاز کیا تھا جس کے تحت ضلع بھر میں آگہی سیمینار کئے گئے، گھر گھر جا کر غیر رجسٹرڈ خواتین کا ڈیٹا اکٹھا کر کے خواتین کو نادرا دفتر تک مفت ٹرانسپورٹ کی سہولت دی گئی اور کئی دیہاتوں میں نادرا موبائل وین کے ذریعے ان فریش خواتین کے مفت قومی شناختی کارڈبنوا کر دیئے گئے۔

(جاری ہے)

خواتین کی جمہوری و ترقیاتی عمل میں شمولیت کو یقینی بنانے کے لئے قومی شناختی کارڈ کی اہمیت کے پیش نظر، ضلع بھر سے نوجوان رضاکاروں نے بڑھ چڑھ کر حصہ لینے کے لئے ، گڈ تھینکرزآرگنائزیشن کے زیر اہتمام تربیتی ورکشاپ میں بھی شمولیت کی۔تنظیم ہذا نے الیکشن کمیشن کے اشتراک اور نادرا کے تعاون سے گزشتہ پانچ ماہ میں 24058ایسی خواتین ،جن کے آج تک قومی شناختی کارڈ نہ بنے تھے، کے کارڈ زبنوا کر دئیے ہیں۔ جن میں کئی 70سال سے زائد عمر کی خواتین بھی ہیں جنہوںنے اس مہم کے تحت پہلی مرتبہ اپنا کارڈ بنوایا اور ووٹ ڈالنے کی اہل ہوئی ہیں۔