پشاور،ڈیرہ پولیس کی کالعدم تنظیموں کے خلاف کاروائی،ملزمان کے قبضے سے اسلحہ وبارود برآمد

بدھ 23 مئی 2018 19:29

پشاور(اُردو پوائنٹ اخبارتازہ ترین - این این آئی۔ 23 مئی2018ء) ڈیرہ پولیس نے خفیہ اطلاع پر حاجی مورا کے علاقے میں ڈی پی او ڈاکٹر زاہد اللہ خان کی قیادت میں کالعدم تنظیموں کے ٹھکانوں پر سرچ اینڈ سٹرائیک آپریشن،،سولہ ملزمان سے سات پستول،چھ شارٹ گن،تین رائفل اور سینکڑوں کارتوس برآمد،الگ الگ مقدمات درج کرلئے۔تفصیلات کے مطابق ڈسٹرکٹ پولیس آفیسر ڈاکٹر زاہد اللہ خان کی قیادت میں ڈیرہ پولیس نے تھانہ گومل یونیورسٹی کے علاقہ حاجی مورا میں صبح سویرے چار بجے سرچ اینڈ سٹرائیک آپریشن کیا ۔

آپریشن میں ایس پی رولر سلیم ریاض،ایس پی صدر حسن افضل، تین ڈی ایس پیز ،تھانہ صدر،ڈیرہ ٹائون،کینٹ،گومل یونیورسٹی،پروآ پولیس اور سی ٹی ڈی کے علاوہ کیو آر ایف،آرآر ایف اور بی ڈی یو نے حصہ لیا۔

(جاری ہے)

آپریشن میں مجموعی طور پر130پولیس اہلکاروں حصہ لیا جبکہ آپریشن میں پولیس کی بیس گاڑیوںاور ایک اے پی سی کی مدد بھی حاصل تھی۔ اس موقع پر پولیس نے چھ سو مکانات کو چیک کیا اور تیس مشکوک افراد کو گرفتار کیا جن میں سے سولہ ملزمان سے سات پستول،چھ شارٹ گن،تین رائفل اور 159کارتوس برآمد کرلیئے،پولیس نے اس حوالے سے الگ الگ مقدمات بھی درج کرلیئے ہیں۔

پولیس نے گرفتار ملزمان کو تفتیش کیلئے الگ مقام پر منتقل کردیا ہے۔ڈی پی او ڈاکٹر زاہد اللہ خان نے میڈیا کو بتایا کہ کالعدم تنظیموں اور سماج دشمن عناصر کے خلاف پولیس کا آپریشن جاری رہے گا اور کسی کیساتھ کوئی رعایت نہیں کی جائیگی۔