اسلام آباد ہائیکورٹ نے حلقہ بندیاں چیلنج کرنے کے معاملے پر فیصلہ محفوظ کر لیا

بدھ 30 مئی 2018 20:40

سلام آباد (اُردو پوائنٹ اخبارتازہ ترین - آن لائن۔ 30 مئی2018ء) اسلام آباد ہائیکورٹ نے حلقہ بندیاں چیلنج کرنے کے معاملے پر فیصلہ محفوظ کر لیا۔ محفوظ کی گئی حلقہ بندیوں میں ، راولپنڈی، اسلام آباد، شیخوپورہ، عمر کوٹ، گوجرانولہ، جیکب آباد، صوابی، مانسہرہ، قصور،کے اضلاع شامل ہیں جبکہ دیگر اضلاع میں گھوٹکی، چینیوٹ، مظفر گڑھ، میر پور خاص، خاران ، خیبر ایجنسی، اور بلوچستان کے اضلاع بھی شامل ہیں۔

(جاری ہے)

گزشتہ روز اسلام آباد ہائیکورٹ کے جسٹس عامر فاروق پر مشتمل سنگل رکنی بینچ نے حلقہ بندیوں کے حوالے سے دائر درخواست پر سماعت کی۔جب سماعت شروع ہوئی تو ڈپٹی اسپیکر مرتضی جاوید عباسی کے وکیل عدالت میں پیش ہوئے۔بعدازاں عدالت نے ایبٹ آباد کی حلقہ بندیوں کا معاملہ کل تک ملتوی کر دیا۔واضع رہے ایبٹ آباد کی حلقہ بندیوں کو ڈپٹی اسپیکر مرتضی جاوید عباسی کی جانب سے چیلنج کیا گیا ہیایبٹ آباد کی حلقہ بندیوں کا کیس پشاور ہائی کورٹ میں بھی زیر سماعت ہے۔بعدازاں عدالت عالیہ اسلام آباد نے دلائل سننے کے بعد ایبٹ آباد اور اٹک کے علاؤہ باقی اٹھارہ درخواستوں پر فیصلہ محفوظ کر لیا۔