سی آئی اے کینٹ ڈویژن لاہور کی کارروائی،

آصف نقب زن گینگ سرغنہ سمیت گرفتار متعددمقدمات ٹریس،لاکھوں روپے مالیت کی نقدی،طلائی زیورات،موٹرسائیکل، اسلحہ بھی برآمد کر لیا گیا

جمعہ 1 جون 2018 16:46

لاہور (اُردو پوائنٹ اخبارتازہ ترین - این این آئی۔ 01 جون2018ء) سی آئی اے لاہور پولیس نے جرائم پیشہ عناصر کے خلاف گھیراتنگ کرتے ہوئے آصف نقب زن گینگ سرغنہ سمیت گرفتار کر لیا جن سے متعددمقدمات ٹریس،لاکھوں روپے مالیت کی نقدی،طلائی زیورات،موٹرسائیکل، موبائل فون ودیگر قیمتی اشیاء کے علاوہ اسلحہ ناجائز بھی برآمد کر لیا ۔تفصیلات کے مطابق ایس پی سی آئی اے سید ندیم عباس کی ہدایت پر سی آئی اے پولیس کی ٹیمیں جرائم پیشہ عناصر کے خلاف سرگرم عمل ہیں۔

جس پر ڈی ایس پی سی آئی اے کینٹ ڈویژن لاہوررانا زاہد حسین کی نگرانی میں پولیس ٹیم نے انتہائی مطلوب آصف نقب زن گینگ کی3ارکان کوسرغنہ سمیت گرفتار کر لیا۔گرفتار ملزمان میںآصف،ظفرحسین اوربلال شامل ہیں۔ملزمان کوجدید ٹیکنالوجی اورموثرانفارمیشن کو بروئے کار لاتے ہوئے پولیس ٹیم نے گرفتار کیا۔

(جاری ہے)

ملزمان گھروں اور دکانوں کے تالے توڑ کر واردات کرتے۔

مزید یہ کہ ملزمان سے گن پوائنٹ پر شارع عام پر وارداتوں کا انکشاف بھی ہواہے۔ نیزملزمان سے متعددمقدمات ٹریس کیے گئے ہیں۔ملزمان سے لاکھوں روپے مالیت کی نقدی،طلائی زیورات، موٹرسائیکل، موبائل فون ودیگر قیمتی اشیاء برآمد کرنے کے علاوہ اسلحہ بھی برآمد کرلیاگیاہے۔یہ امر قابل ذکرہے کہ ملزمان سابقہ ریکارڈ یافتہ ہیںاورلاہور پولیس کو انتہائی مطلوب تھے۔

آصف نقب زن گینگ کو ڈی ایس پی سی آئی اے کینٹ ڈویژن لاہور نے اپنی ٹیم کے ہمراہ کامیاب کاروائی کرکے اس انتہائی مطلوب گینگ کو گرفتار کیا۔ملزمان کی گرفتاری پر ایس پی سی آئی اے سید ندیم عباس نے ڈی ایس پی سی آئی اے کینٹ ڈویژن لاہور رانا زاہد حسین کی کارکردگی کو سراہتے ہوئے پولیس ٹیم کیلئے تعریفی اسناد کا اعلان کیا۔