پنجاب یونیورسٹی کالج آف ارتھ اینڈ انوائرنمنٹل سائنسز کے زیر اہتمام ماحولیات کے عالمی دن کی مناسبت سے سیمینار کا انعقاد

بدھ 6 جون 2018 16:53

لاہور (اُردو پوائنٹ اخبارتازہ ترین - این این آئی۔ 06 جون2018ء) پنجاب یونیورسٹی کالج آف ارتھ اینڈ انوائرنمنٹل سائنسز کے زیر اہتمام ماحولیات کے عالمی دن کی مناسبت سے اساتذہ ، طلبہ اور دیگر افراد کو اس سال کے تھیم’ پلاسٹک آلودگی‘ پر آگاہی فراہم کرنے کیلئے سیمینار کا انعقاد کیا گیا ۔

(جاری ہے)

تقریب میںپرنسپل کالج پروفیسر ڈاکٹر ساجد رشید، فیکلٹی ممبران، پاکستان بھر سے ماہرین ماحولیات ، صنعتوں سے وابستہ افراد ا، این جی اوز کے نمائندگان و دیگر نے شرکت کی۔

اس موقع پر مقررین نے پلاسٹک کے استعمال کی حوصلہ شکنی اورری سائیکلنگ کرنے کے بجائے متبادل ذرائع اپنانے پر زورد یا۔ڈاکٹر ساجد رشید نے کہا کہ پلاسٹک سے پھیلنے والی آلودگی کی روک تھام کیلئے ضروری ہے کہ ہم پلاسٹ بیگز کے استعمال کو ترک کرکے اس کا متبادل تلاش کریں گے۔