انسپکٹر جنرل پولیس محسن حسن بٹ کی صوبائی الیکشن کمشنر سے ملاقات ،عام انتخابات کی سیکورٹی کے حوالے سے تبادلہ خیال

جمعرات 21 جون 2018 19:10

کوئٹہ (اُردو پوائنٹ اخبارتازہ ترین - این این آئی۔ 21 جون2018ء) انسپکٹر جنرل پولیس محسن حسن بٹ کی صوبائی الیکشن کمشنر سے ملاقات ،عام انتخابات کی سیکورٹی کے حوالے سے تبادلہ خیال کیا گیا، تفصیلات کے مطابق جمعرات کو آئی جی پولیس بلوچستان محسن حسن بٹ نے الیکشن کمشنر بلوچستان نیاز احمد بلوچ سے انکے دفتر میں ملاقات کی جہاں آئندہ ماہ ہونے والے عام انتخابات کے حوالے سے سیکورٹی صورتحال کا تفصیلی جائزہ لیا گیا۔

(جاری ہے)

صوبائی الیکشن کمشنر نے آئی جی پولیس کو بلوچستان میں الیکشن کمیشن کے دفاتر اور اور افسران کی سیکورٹی کی صورتحال سے آگاہ کیااور پولنگ اسٹیشنز کی تفصیل بھی مہیا کیں اس موقع پر آئی جی پولیس بلوچستان محسن حسن بٹ نے صوبائی الیکشن کمشنر نیاز بلوچ کو الیکشن کی سیکورٹی کے حوالے سے مکمل تعاون کی یقین دہانی کرائی جس پر صوبائی الیکشن کمشنر نے آئی جی پولیس کا شکریہ ادا کیا۔