زعیم قادری بیس سال پارٹی میں رہے کیا وہ بوٹ پالش کرتے تھی (ن) لیگی امیدوار وحید عالم خان

زعیم قادری آزاد لڑکر شوق پورا کر لے، آٹے دال کے بھا ئوکا علم ہو جائے گا، ووٹ نواز شریف اور شہباز شریف کو ملتا ہے انفرادی حیثیت کچھ نہیں‘ہم سب نواز، شہباز، حمزہ اور مریم کی قیادت پر بھرپور اعتماد رکھتے ہیں‘لاہور میں بلدیاتی نمائندوں کے ہمراہ پر یس کانفر نس سے خطاب

جمعہ 22 جون 2018 23:50

لاہور(اُردو پوائنٹ اخبارتازہ ترین - آئی این پی۔ 22 جون2018ء) زعیم قادری کے مخالف (ن) لیگی امیدوار وحید عالم خان نے کہا ہے کہ زعیم قادری بیس سال پارٹی میں رہے کیا وہ بوٹ پالش کرتے تھی زعیم قادری آزاد لڑکر شوق پورا کر لے، آٹے دال کے بھا ئوکا علم ہو جائے گا، ووٹ نواز شریف اور شہباز شریف کو ملتا ہے انفرادی حیثیت کچھ نہیں۔ ن لیگ کے باغی زعیم قادری کا جواب دینے کیلئے ن لیگ کے نامزد امیدوار وحید عالم خان نے پی پی 167 کے خواہشمند امیدوار میاں سلیم اور بلدیاتی نمائندوں کے ہمراہ جوابی پریس کانفرنس کی، وحید عالم خان نے کہا کہ زعیم قادری نے گزشتہ روز ہماری قیادت کے بارے میں نازیبا الفاظ استعمال کیے، ہم ان کے تمام الزامات کی پرزور مذمت کرتے ہیں۔

ہم سب نواز، شہباز، حمزہ اور مریم کی قیادت پر بھرپور اعتماد رکھتے ہیں۔

(جاری ہے)

وحید عالم خان نے کہا کہ زعیم قادری نے اپنے ظرف کے مطابق بات کی، وہ صرف ایک چیئرمین تھا کوئی زعیم کے ساتھ نہیں، یہاں پر اس علاقے کے تمام چیئرمین موجود ہیں، زعیم آزاد لڑکر دیکھ لے، اس کو آٹے دال کے بھا کا علمہو جائے گا، کیونکہ ووٹ نوازشریف اورشہبازشریف کے کاموں کو ڈالے جاتے ہیں، کسی انفرادی حیثیت کو نہیں۔

وحید عالم خان نے مزید کہا کہ آج زعیم قادری کو بتا دینا چاہتے ہیں کہ لاہور حمزہ شہباز کی جاگیر ہے، لاہور نواز شریف، شہباز شریف ، کلثوم نواز اور مریم نواز کی جاگیر ہے، پارٹی کا فیصلہ قبول، چاہے سردار ایاز صادق کو ٹکٹ دے دیں یا کسی اور کو مگر مجھے پارٹی نے گو ہڈ دیا ہے تو ورکنگ شروع کی ہے۔ وحید عالم خان نے کہا کہ قربانیاں زعیم قادری کی نہیں ہماری بھی ہے میرے والد 1942 میں مسلم لیگ لاہور کے جنرل سیکرٹری تھے اور پارٹی کے ساتھ 88 سے ہوں۔