وفاقی اور صوبائی محتسب صاحبان کے اعزاز میں صدر آزاد جموں وکشمیر سردار محمد مسعودخان کی طرف سے ایوان صدرمظفرآبادمیں استقبالیہ دیا گیا

جمعہ 29 جون 2018 19:17

مظفرآباد(اُردو پوائنٹ اخبارتازہ ترین - این این آئی۔ 29 جون2018ء) وفاقی اور صوبائی محتسب صاحبان کے اعزاز میں صدر آزاد جموں وکشمیر سردار محمد مسعودخان کی طرف سے ایوان صدرمظفرآبادمیں استقبالیہ دیا گیا ۔

(جاری ہے)

اس موقع پرفورم آف پاکستان محتسب (ایف پی او) کے صدر وفاقی ٹیکس محتسب مشتاق احمد سکھیرا،وفاقی محتسب سید طاہر حسین ، وفاقی محتسب(FOR PROTECTION AGAINST HARASSMENT OF WOMEN AT THE WORKPLACE) محترمہ کشمالہ طارق ،وفاقی انشورنس محتسب محمد رئیس الدین ،محتسب پنجاب نجم سعید، محتسب سندھ(FOR PROTECTION AGAINST HARASSMENT OF WOMEN AT THE WORKPLACE) جسٹس ریٹائرڈ شاہنواز طارق، محتسب خیبر پختونخواہ عاقل بادشاہ، محتسب پنجاب(FOR PROTECTION AGAINST HARASSMENT OF WOMEN AT THE WORKPLACE) محترمہ رخسانہ گیلانی،محتسب آزادجموں کشمیر ظفر حسین مرزا ،سینئر مشیر وفاقی محتسب عبدالخالق، سیکرٹری محتسب آزادجموں وکشمیر ابصار حسین و دیگر بھی موجود تھے۔

سیکرٹری صدارتی امور محمد ظفرخان نے مہمانوں کو خوش آمدید کہا ۔ صدر آزاد جموں وکشمیر مصروفیات کے باعث استقبالیہ میں شریک نہ ہو سکے ۔ اس موقع پر فورم آف پاکستان محتسب کے صدر مشتاق سکھیرا اور محتسب آزاد جموں وکشمیر ظفر حسین مرزا نے خطاب بھی کیا۔