ووٹرز نے پی ٹی آئی امیدوار خرم شیر زمان کو کھری کھری سنا دی

پانچ سال ٹھنڈی گاڑیوں میں گھومتے اور گھر بیٹھے رہے ،ہمارے لئے کیا کیا ہم نے کس لئے آپ کو ووٹ دیا تھا،ووٹرز نے سوالات کی پوچھاڑ کر دی آپ کا دل چاہے تو ووٹ دیں، دل نہ چاہے تو نہ دیں ،کہہ کر چلے گئے، رہنما پی ٹی آئی

جمعہ 29 جون 2018 21:06

ووٹرز نے پی ٹی آئی امیدوار خرم شیر زمان کو کھری کھری سنا دی

کراچی(اُردو پوائنٹ اخبارتازہ ترین - آن لائن۔ 29 جون2018ء) عام انتخابات میں تحریک انصاف کے امیدوار خرم شیر زمان کو انتخابی مہم کے دوران ووٹر نے کھری کھری سنادیں۔عام انتخابات کی آمد آمد ہے اور سیاسی جماعتوں کے امیدوار انتخابی مہم کے سلسلے میں اپنے اپنے حلقوں کا دورہ کررہے ہیں لیکن اس بار سیاسی رہنماؤں کو اپنے حلقے کے لوگوں کی طرف سے سخت سوالات کا سامنا کرنا پڑرہا ہے۔

پیپلزپارٹی اور مسلم لیگ (ن) کے رہنماؤں کے بعد اب تحریک انصاف کے امیدوار بھی ووٹرز کے غصے کا شکار ہوگئے ہیں۔کراچی سے صوبائی اسمبلی کے حلقہ پی ایس 110 سے تحریک انصاف کے امیدوار خرم شیر زمان ووٹ مانگنے کے لیے پمفلٹ لے کر اپنے حلقے میں نکلے جہاں ایک موبائل فون کی دکان پر موجود ووٹر نے انہیں کھری کھری سنادیں۔

(جاری ہے)

خرم شیر زمان کی جانب سے پمفلٹ دینے پر ووٹر نے ان سے شکوہ کیا اور سوالات کی بوچھاڑ کردی۔

ووٹر نے خرم شیر زمان سے کہا کہ پانچ سال آپ ٹھنڈی گاڑی، اسمبلی اور گھر میں بیٹھے رہے، آپ کو ووٹ دے کر ایوان میں بٹھانے کا مقصد یہ نہیں تھا، آپ نے پانچ سالوں میں ہمارے لیے کیا کیا مراد علی شاہ، خورشید شاہ اور ناصر شاہ کو ووٹرز کے غصے کا سامناووٹر کے شکوؤں پر خرم شیر زمان جواب دینے کی کوشش کرتے رہے لیکن ووٹر کے شکوے شکایات کے بعد پی ٹی آئی امیدوار نے کہا کہ آپ کا دل چاہے تو ووٹ دیں، دل نہ چاہے تو نہ دیں، اور پھر چلے دیئے۔