عمران خان کی اہلیہ کے رشتے دار نے عوام سے ن لیگ کو ووٹ دینے کی اپیل کردی

25 جولائی کو پاکپتن کی فلاح کیلئے شیر کے نشان پر مہر لگائیں: احمد رضا مانیکا

ہفتہ 21 جولائی 2018 00:03

عمران خان کی اہلیہ کے رشتے دار نے عوام سے ن لیگ کو ووٹ دینے کی اپیل کردی

پاکپتن (اُردو پوائنٹ اخبارتازہ ترین - اے پی پی۔ 20 جولائی2018ء) مسلم لیگ (ن) کے این اے 145 سے امیدوار میاں احمد رضا مانیکا نے کہا ہے کہ 25 جولائی کو پاکپتن کی فلاح کیلئے شیر کے نشان پر مہر لگائیں، انشاء اللہ کامیاب ہوکر شہر کے باسیوں کی خدمت کروں گا، عوام کی آواز لے کر اسمبلی میں جائوں گا،حلقہ کی محرومیوں کو دور کرنے کا عزم لے کر آیا ہوں، بنیادی سہولیات سے محروم عوام تک ہر چیز کی رسائی یقینی بنائیں گے، عوام کے ہر مسئلہ کو حل کریں گے، حلقہ کی عوام کا مشکور ہیں جو میری حمایت کررہی ہے۔

(جاری ہے)

ان خیالات کا اظہار انہوں نے کارنر میٹنگ سے خطاب کے دوران کیا ، انکا مزید کہنا تھا کہ عوام کی محبت کا بے حد مشکور ہوں، شہر فرید کے باسیوں کی محبت میرا قیمتی اثاثہ ہے، اگر کامیاب ہوا تو قومی اسمبلی پاکپتن کے باسیوں کی آواز سے گونج اٹھے گی۔ یہاں یہ بات واضح رہے کہ احمد رضا مانیکا تحریک انصاف کے سربراہ عمران خان کی اہلیہ بشریٰ مانیکا کے رشتے بھی ہیں۔