نگران حکومت نے عمران خان کو اقتدار سونپنے کی نئی تاریخ کا اعلان کردیا
کامیاب امیداروں کا ںوٹیفیکشن 6 اگست کو جاری کیا جائے گا، قومی اسمبلی کا اجلاس 11 یا 12 اگست کو ہوگا، جبکہ اقتدار کی منتقلی 14 اگست کو عمل میں آئے گی
محمد علی پیر 30 جولائی 2018 22:58
(جاری ہے)
تحریک انصاف کے ترجمان فواد چوہدری نے اعلان کیا ہے کہ پارٹی نے پنجاب میں حکومت بنانے کیلئے مطلوبہ نمبرز حاصل کر لیے ہیں۔
بلکہ تحریک اںصاف مطلوبہ سے بھی کہیں زیادہ نمبرز حاصل کرنے میں کامیاب ہوگئی ہے۔ فواد چوہدری کا دعوی ہے کہ تحریک اںصاف نے ق لیگ کی حمایت بھی حاصل کرلی ہے، یوں تحریک انصاف کو پنجاب میں حکومت بنانے کیلئے 168 ووٹ حاصل ہوگئے ہیں۔ واضح رہے کہ 25 جولائی کو ہونے والے عام انتخابات کے بعد وفاق میں تحریک انصاف 115 نشستوں کیساتھ اکثریت حاصل کرنے میں کامیاب رہی، جبکہ پنجاب میں تحریک انصاف اور مسلم لیگ ن کے درمیان مقابلہ برابر رہا۔ 2 روز قبل تک تحریک انصاف کے پاس 123 نشستیں تھیں جبکہ ن لیگ کے پاس 129 نشستیں تھیں۔ تاہم اب تحریک انصاف کو اکثریتی آزاد امیداروں اور ق لیگ کی حمایت حاصل ہو چکی ہے۔ یوں تحریک انصاف کی مجموعی نشستوں کی تعداد اب 168 تک پہنچ گئی ہے۔ جبکہ پنجاب میں حکومت بنانے کیلئے کسی بھی جماعت کو 149 نشستیں درکار ہوتی ہیں۔ دوسری جانب صوبائی اور وفاقی حکومتوں کی ذمہ داریاں سونپے جانے کے حوالے سے نگران وفاقی حکومت نے اہم اعلان کیا ہے۔ نگران وزیر اطلاعات علی ظفر کی جانب سے نجی ٹی وی چینل کے پروگرام سے گفتگو کرتے ہوئے کہا گیا ہے کہ انتخابات 2018 کے دوران کامیاب ہونے والے امیدواروں کا نوٹیفیکشن 6 اگست کو جاری کیا جائے گا۔ اس کے بعد قومی اسمبلی کا اجلاس طلب کیا جائے گا۔ اجلاس 11 یا 12 اگست کو طلب کیا جائے گا۔ اجلاس کے دوران پہلے تمام کامیاب امیدوار حلف لیں گے، اس کے بعد اسپیکر، پھر ڈپٹی اسپیکر کا انتخاب عمل میں آئے گا۔ جبکہ وزیراعظم کا انتخاب اس کے بعد عمل میں آئے گا۔ علی ظفر کی جانب سے مزید بتایا گیا ہے کہ نگران حکومت کی کوشش ہے کہ وفاقی حکومت کو اقتدار 14 اگست تک منتقل کر دیا جائے۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.