اوپن یونیورسٹی نے میرٹ کی بنیاد پر داخلوں کا شیڈول جاری کردیا

ہفتہ 18 اگست 2018 15:00

اسلام آباد (اُردو پوائنٹ اخبارتازہ ترین - این این آئی۔ 18 اگست2018ء) علامہ اقبال اوپن یونیورسٹی نے سمسٹرخزاں2018ء کے جاری داخلوں میں میرٹ کی بنیاد پر داخلوں کا شیڈول جاری کردیا ہے۔ جن پروگراموں کے داخلے میرٹ کی بنیاد پر ہورہے ہیں ان میں پی ایچ ڈی ،ْ ایم ایس/ایم فل ،ْ کامن ویلتھ آف لرننگ ایم بی ای/ایم پی اے ،ْ ایم ایس سی شماریات ،ْ ایم ایس سی پبلک نیوٹریشن اور بی ایس پروگرامز شامل ہیں۔

ان پروگرامزمیں داخلے کے خواہشمند امیدواروں کو پراسپکٹس میں دئیے گئے طریقہ کار کے مطابق داخلہ فارم بغیر داخلہ فیس کے براہ راست متعلقہ شعبہ کو ارسال کرنے کی ہدایت کی گئی ہے۔ داخلہ فارم یونیورسٹی کی ویب سائٹ www.aiou.edu.pkسے ڈائون لوڈ بھی کئے جاسکتے ہیں۔داخلہ فارم جمع کرانے کی آخری تاریخ 5۔

(جاری ہے)

ستمبر2018ء مقرر کی گئی ہے۔ ان پروگرامزمیں داخلوں کے حصول کیلئے ایڈمیشن ٹیسٹ 15سے 20۔

اکتوبر کے درمیان منعقدہوں گے۔ ٹیسٹ/انٹرویوز میں کامیاب امیدواروں کی میرٹ لسٹ31۔اکتوبر2018ء کو یونیورسٹی کی ویب سائٹ پرجاری کی جائے گی۔ڈائریکٹر شعبہ داخلہ کے مطابق وائس چانسلر ،ْ پروفیسر ڈاکٹر شاہد صدیقی کی ہدایت پر معیار کو برقرار رکھنے اور ہونہار طلبہ کو آگے لانے کے لئے داخلوں کی پراسس میں میرٹ اور شفافیت پر سختی سے عملدرآمد کی جارہی ہے ۔

Facebook Twitter Google + Share on Whatsapp

اوپن یونیورسٹی نے میرٹ کی بنیاد پر داخلوں کا شیڈول جاری کردیا

متعلقہ عنوان :

مزید تعلیم کی خبریں