پولیس کی کارروائی،شراب سے بھرے کنٹینر کو قبضہ میں لے لیا،ڈرائیور گرفتار

جمعرات 20 ستمبر 2018 14:50

لاہور(اُردو پوائنٹ اخبارتازہ ترین - آن لائن۔ 20 ستمبر2018ء) شا ہد رہ پولیس نے کارروائی کرتے ہوئے شراب سے بھرے کنٹینر کو قبضہ میں لے کر ٹرک ڈارئیور کو گرفتار کر کے اس کے خلاف مقدمہ درج کر کے تفتیش کا آغاز کر دیا ہے۔

(جاری ہے)

تفصیلات کے مطابق کنٹینر میں 28 ہزار لیٹر الکوحل موجود ہے اتنی مقدار میں شراب کی 2 لاکھ 12 ہزار بوتلیں بھر جا سکتی ہیں پولیس کے مطابق وہ شا ہد رہ کے علا قہ سگیاں پل ناکہ پر موجود تھا کہ اسے خفیہ اطلاع موصول ہوئی کہ شراب سے بھرا کنٹینر لاہور میں سپلائی کیلئے لایا جا رہا ہے۔ کنٹینر کو ناکہ پر روک کر چیک کیا گیا تو اس میں 28 ہزار لیٹر الکوحل برآمد ہوئی کنٹینر کے ڈرائیور محمد اکبر کو گرفتار کر کے اس کے خلاف مقدمہ نمبر 2/77/18 درج کر کے کنٹینر کو قبضہ میں لے لیا ہے۔

متعلقہ عنوان :