پنجاب یونیورسٹی سنٹر فار کلینیکل سائیکالوجی کے زیر اہتمام ورکشاپ

جمعہ 23 نومبر 2018 19:13

لاہور (اُردو پوائنٹ اخبارتازہ ترین - این این آئی۔ 23 نومبر2018ء) پنجاب یونیورسٹی سنٹر فار کلینیکل سائیکالوجی کے زیر اہتمام پاکستان انسٹی ٹیوٹ آف لیونگ اینڈ لرننگ کے اشتراک سے ---’’منشیات کی نفسیات: نظریہ اور عمل‘‘کے موضوع پر ورکشاپ کا انعقاد کیا گیا ۔

(جاری ہے)

اس موقع پر یونیورسٹی آف لیڈز برطانیہ سے ایسو سی ایٹ پروفیسرڈاکٹر جوزف میگر نے بطور ریسورس پرسن جبکہ ڈائریکٹر سنٹر ڈاکٹر صائمہ دائود، ایم ایس، پی ایچ ڈی اور اے ڈی سی پی کے طلبہ نے بھی شرکت کی ۔

ورکشاپ کے انعقاد کا بنیادی مقصد تربیتی ماہرین نفسیات کی منشیات کے حوالے سے آنے والے مریضوں کے علاج کی استعدادکار کو بڑھانا تھا۔ورکشاپ کے اختتام پر شرکاء میں تعریفی اسناد تقسیم کی گئیں۔ اپنے خطاب میں ڈاکٹرصائمہ دائود نے ورکشاپ کے تربیت کار ڈاکٹر جوزف میگر کا شکریہ ادا کیا۔پروفیسر ڈاکٹر نصرت حُسین نے پی آئی ایل ایل کی نمائندگی کرتے ہوئے ورکشاپ کے شرکاء کی حوصلہ افزائی کی۔