وزیر اعظم عمران خان نے افغانستان میں جنگ کے مسئلے کو ہمیشہ سیاسی طور پر حل کرنے کی حمایت کی ہے،
اس موقف کو اپنانے پر عالمی برادری کے شکر گزار ہیں، افغانستان میں امن افغان عوام کے مصائب کے خاتمہ اور پورے خطے میں امن و استحکام کے لئے بہترین موقع فراہم کرتا ہے اقوام متحدہ میں پاکستان کی مستقل مندوب ڈاکٹر ملیحہ لودھی کا جنرل اسمبلی میں افغانستان کی صورتحال پر مباحثے کے دوران اظہار خیال
جمعہ 7 دسمبر 2018 13:22
(جاری ہے)
پاکستانی مندوب نے کہا کہ وزیر اعظم پاکستان عمران خان تقریباً دو عشروں سے بار بار یہ کہہ رہے ہیں کہ افغانستان کی جنگ کو مذاکرات کے ذریعے سیاسی حل سے ہی ختم کیا جا سکتا ہے۔اب اس موقف کو پوری عالمی برادری کی طرف سے اپنا لیا گیا ہے جس پر ہم عالمی برادری کے شکر گزار ہیں۔
پاکستانی مندوب نے افغانستان میں امن کے فروغ کے لئے روس، چین اور خطے کے دیگر ممالک کی کوششوں کی طرف اشارہ کرتے ہوئے کہ کہ پائیدار امن کے لئے ضروری ہے کہ تمام علاقائی شراکت داروں کے کردار کو تسلیم کیا جائے۔یہ بات روز روشن کی طرح عیاں ہے کہ افغان عوام جنگ کا خاتمہ اور امن چاہتے ہیں اور عالمی برادری کو چاہیے کہ وہ افغان عوام کی اسی خواہش کو ان کے ملک میں پائیدار امن کے قیام کی بنیاد بنائے۔یہ تمام متعلقہ فریقوں کے ذمہ داری اور ان کے لئے ایک چیلنج ہے اور جہاں تک پاکستان کا تعلق ہے وہ اپنے حصے کا کردار بھرپور انداز میں ادا کرے ۔ پاکستانی مندوب نے کہا کہ وہ تمام مصائب و آلام جو افغان عوام نے اپنے ملک میں طویل جنگ کے دوران برداشت کئے افغانستان کے قومی اور پوری دنیا کے امن و سلامتی کے کئے ایک خطرہ ثابت ہو سکتے ہیں۔انہوں نے افغانستان کے حوالے سے مختلف رپورٹس کا حوالہ دیتے ہوئے کہا کہ حالیہ عرصہ کے دوران افغانستان میں پرتششد کارروائیوں اور ان کے نتیجہ میں جانی و مالی نقصانات میں اضافہ ہوا ہے۔افغانستان میں طویل عرصہ سے جاری جنگ سے پاکستان دیگر ممالک کے مقابلہ میں کہیں زیادہ متاثر ہوا ہے۔ پاکستان نے لاکھوں افغان مہاجرین کو اپنے ہاں پناہ دی اور کئی عشروں سے ان کی میزبانی کر رہا ہے۔ اس وقت بھی پاکستان میں بیس لاکھ سے زیادہ افغان مہاجرین موجود ہیں۔انہوں نے مزید بتایا کہ افغانستان پاکستان ایکشن پلان کا مقصد دونوں ممالک کے درمیان سکیورٹی کے شعبے میں تعاون کو بڑھانا ہے اور اس کے تحت افغانستان میں انفراسٹرکچر کے منصوبوں کے لئے مالی امداد دی جا رہی ہے۔اس کے ساتھ ساتھ پاکستان سائوتھ سائوتھ کواپریشن کے فروغ کے لئے بھی پرعزم ہے۔ افغانستان میں امن کا قیام مشکل ضرور ہے لیکن یہ ناممکن نہیں ۔یہ افغان عوام کے مصائب کے خاتمہ اور ان کے ملک اور پورے خطے میں امن و استحکام کے لئے بہترین موقع فراہم کرتا ہے۔مزید اہم خبریں
-
وزیراعظم شہبازشریف نے ٹیکس چوری روکنے کا ٹریک اینڈ ٹریس سسٹم فراڈ قراردیدیا
-
توانائی پر پاک ایران تعاون موجود ہے، اپنی ضروریات کیلئے امریکا سے بھی رابطے میں ہیں،پاکستان
-
وزیراعظم 28 اپریل کو سعودی عرب میں عالمی اقتصادی فورم اور4 مئی کو گیمبیا میں او آئی سی سربراہی اجلاس میں شرکت کریں گے،ترجمان دفتر خارجہ ممتاز زہرہ بلوچ کی ہفتہ وار پریس بریفنگ
-
شہداء کے اہلخانہ میرے دل کے بہت قریب ہیں ، ایک شہید کا داماد ہوں، وزیرداخلہ محسن نقوی
-
قوم کو غلامی کی زنجیروں میں جکڑنے والوں سے کوئی ڈیل نہیں کروں گا
-
ہماری آزادی میں ایک جنگل کا بادشاہ حائل ہے
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.