ہزارہ یونیورسٹی مانسہرہ کے 10ویں سالانہ کانووکیشن کی تیاریوں کے حوالہ سے وائس چانسلر کی زیرصدارت اجلاس

جمعرات دسمبر 18:18

مانسہرہ۔ 13 دسمبر(اُردو پوائنٹ اخبارتازہ ترین - اے پی پی۔ 13 دسمبر2018ء) ہزارہ یونیورسٹی مانسہرہ کے 10ویں سالانہ کانووکیشن کی تیاریوں کے سلسلے میں ایک اجلاس منعقد ہوا جس میں یونیورسٹی کے ڈینز، تعلیمی شعبوں کے ہیڈز اور دیگر افسران نے شرکت کی ۔اجلاس میں کانووکیشن کے حوالہ سے قائم کردہ انتظامی کمیٹیوں کے کنویئنر نے بھی شرکت کی ۔وائس چانسلر پروفیسر ڈاکٹر محمد ادریس نے اس موقع پر کہا کہ کانووکیشن یونیورسٹی کی سب سے بڑی تعلیمی تقریب ہوتی ہے جس کے لئے تمام تر انتظامات کو بہترین انداز میںپایہ تکمیل تک پہنچانا چائیے۔

اجلاس میں مختلف کمیٹیوں کے کنوینئرز نے اب تک کی کارکردگی ، انتظامات اور اقدامات کے حوالے سے بریفنگ دی۔یونیورسٹی کا 10واں سالانہ کانووکیشن 26دسمبربروز بدھ دن 12بجے یونیورسٹی کے کانووکیشن ہال میں منعقد ہوگا جس میں660گریجویٹس کو ڈگریاں دی جا ئیں گی۔

(جاری ہے)

کانووکیشن کے دوران 140طلباء و طالبات اور سکالرز کو امتیازی کارکردگی پر گولڈ میڈل بھی دیئے جائیں گے۔

گولڈ میڈل اور ڈگری وصول کرنے والوں میں پی ایچ ڈی، ایم فل، ماسٹرز اور بی اے /بی ایس سی آنرز کے طلباء و طالبات اور سکالرز شامل ہونگے جبکہ تقریب میں صوبے کی یونیورسٹیوں کے وائس چانسلرز، ماہرین تعلیم ، سائنسدان، یونیورسٹی کے ساتھ الحاق شدہ سرکاری و نجی تعلیمی اداروں کے پرنسپل صاحبان، یونیورسٹی کے فیکلٹی ممبران، پروفیسرز اور معززین شرکت کریں گے۔کانووکیشن کے حوالے سے تمامتر انتظامات کو حتمی شکل دی جا رہی ہے۔یونیورسٹی کے 10ویں کانوکیشن کو یاد گار بنانے کے لئے وائس چانسلر پروفیسر ڈاکٹر محمد ادریس کی ہداہات کی روشنی میں تیزی کے ساتھ انتظامی امور اور اقدامات کو حتمی شکل دی جا رہی ہے

متعلقہ عنوان :