فوربس کی امیر ترین بھارتی شخصیات کی پہلی 5 پوزیشن میں اپنا نام دیکھنا ایک مذاق لگا تھا، دیپیکا پڈوکون کا انکشاف

جمعرات 10 جنوری 2019 13:11

ممبئی (اُردو پوائنٹ اخبارتازہ ترین - اے پی پی۔ 10 جنوری2019ء) بالی وڈ اداکارہ دیپیکا پڈوکون نے کہا ہے کہ فوربس کی امیر ترین بھارتی شخصیات کی پہلی 5 پوزیشن میں اپنا نام دیکھ کر ایسا لگا کہ یہ ایک مذاق ہے۔

(جاری ہے)

بھارتی ذرائع ابلاغ کے مطابق اداکارہ دیپیکا پڈوکون نے فیس بک پر فوربس کی امیر ترین بھارتی شخصیات کی پہلی 5 پوزیشن میں جگہ بننے کے متعلق اپنے احساسات کے بارے میں انکشاف کرتے ہوئے کہا کہ جب مجھے اور میری ٹیم کو فوربس کی امیر ترین بھارتی شخصیات کی ٹاپ 5 فہرست کی ای میل موصول ہوئی جس میں میرا نام ہونے کی تصدیق کی گئی تو میں نے وہ ای میل یہ سوچ کر دوبارہ پڑھی کہ کوئی مذاق کر رہا ہے۔

ان کا کہنا تھا کہ میرے لئے اس فہرست میں اپنا نام دیکھنا باعث فخر ہے کیونکہ یہ کوئی آسان نہیں تھا اس کے لئے انہوں نے بہت محنت کی ہے۔ واضح رہے کہ دیپیکا پڈوکون 2018ء میں 112.80کروڑ کی آمدنی حاصل کرنے پر فوربس انڈیا کی امیر ترین بھارتی شخصیات کی ٹاپ 5فہرست میں چوتھے نمبر پر ہیں۔