وزیراعظم عمران خان 10 فروری کو سندھ کا دوہ روزہ دورہ کریں گے

جمعرات 31 جنوری 2019 23:46

کراچی (اُردو پوائنٹ اخبارتازہ ترین - این این آئی۔ 31 جنوری2019ء) وزیراعظم عمران خان 10 فروری کو سندھ کا دوہ روزہ دورہ کریں گے۔ ذرائع کے مطابق وزیراعظم 10 فروری کو سردار علی گوہر مہر کی دعوت پر گھوٹکی پہنچیں گے۔ وزیراعظم ضلع تھرپارکر کا دورہ بھی کریں گے۔

(جاری ہے)

وفاقی وزیر برائے نجکاری کمیشن میاں محمد سومرو کی دعوت پر وزیراعظم جیکب آباد کا دورہ بھی کریں گے۔ ذرائع کے مطابق وزیراعظم عمران خان 11 فروری کو حیدرآباد میں یونیورسٹی کا سنگ بنیاد بھی رکھیں گے۔ بعد ازاں وہ 11 فروری کو ہی سندھ میں مختلف اجلاسوں کی صدارت کریں گے۔