ْمسلم لیگ (ن )کے خواجہ آصف کے بعد ایک اور (ن )لیگی ممبر قومی اسمبلی کا اقامہ چیلنج کردیا

نور الحسن تنویر اقامہ رکھتے ہیں، یو اے ای کے اکاؤنٹس نامزدگی فورم میں ظاہر نہیں کیے، اعجازالحق کا موقف

ہفتہ 2 فروری 2019 18:52

ْمسلم لیگ (ن )کے خواجہ آصف کے بعد ایک اور (ن )لیگی ممبر قومی اسمبلی کا ..

اسلام آباد (اُردو پوائنٹ اخبارتازہ ترین - این این آئی۔ 02 فروری2019ء) اسلام آباد ہائیکورٹ میں مسلم لیگ (ن )کے خواجہ آصف کے بعد ایک اور (ن )لیگی ممبر قومی اسمبلی کا اقامہ چیلنج کردیا۔سابق وفاقی وزیر اعجاز الحق نے اپنے مخالف امیدوار کے خلاف ہائیکورٹ سے رجوع کر لیا۔

(جاری ہے)

اعجاز الحق کی طرف سے دائر درخواست میں کہا گیا ہے کہ ان کے مدمقابل امیدوار ایم این اے نور الحسن تنویر اقامہ رکھتے ہیں، نور الحسن تنویر نے یو اے ای کے اکاؤنٹس نامزدگی فورم میں ظاہر نہیں کیے، نامزدگی فارم جمع کراتے ہوئے نور الحسن کے اقامہ کی مدت ختم نہیں ہوئی تھی، عدالت معلومات درست نہ دینے اور اقامہ رکھنے پرنور الحسن تنویر کو آرٹیکل 62 ون ایف کے تحت نا اہل قرار دے، ۔

نور الحسن تنویر این اے 169 بہاولنگر سے مسلم لیگ ن کے ایم این اے منتخب ہوئے ہیں .الیکشن کمیشن، سیکرٹری قومی اسمبلی، سپیکر قومی اسمبلی اور نور الحسن تنویر درخواست میں فریق ہیں۔