اداکارہ تنوشری دتا کو16فروری کو ہارورڈ بزنس سکول میں خطاب کی دعوت

کانفرنس کا انعقاد امریکی ریاست میساچیوسٹس میں ہارورڈ بزنس سکول اور ہارورڈ کینیڈی سکول کے طلبا نے کیاہے

منگل 12 فروری 2019 15:31

اداکارہ تنوشری دتا کو16فروری کو ہارورڈ بزنس سکول میں خطاب کی دعوت

نیویارک (اُردو پوائنٹ اخبارتازہ ترین - این این آئی۔ 12 فروری2019ء) بالی ووڈ میں جنسی ہراسانی کے خلاف’’می ٹو‘‘ مہم کا آغاز کرنے والی اداکارہ تنوشری دتا کو ہارورڈ بزنس سکول میں خطاب کی دعوت دی گئی ہے۔

(جاری ہے)

تنوشری دتا کچھ عرصہ قبل نیویارک منتقل ہوچکی ہیں اور اب انہوں نے سوشل میڈیا پر شیئر کی جانے والی پوسٹ کے ذریعے اطلاع دی ہے کہ انہیں امریکہ کے معروف ہارورڈ بزنس سکول میں خطاب کی دعوت دی گئی ہے۔ تنوشری دتا کو امریکی ریاست میساچیوسٹس میں قائم ہارورڈ بزنس سکول میں 16 فروری کو منعقد ہونے والی فلیگ شپ انڈیا کانفرنس میں خطاب کیلئے مدعو کیاگیا ہے جس کا انعقاد ہارورڈ بزنس سکول اور ہارورڈ کینیڈی سکول کے طلبا نے کیاہے۔