سندھ ہائیکورٹ ، لاپتہ بچوں کی بازیابی سے متعلق کیس کی سماعت

پولیس نے گیارہ سالہ حسنین کو عدالت میں پیش کردیا، عدالت کا پولیس افسران کے رویئے پر افسوس کا اظہار

جمعرات 21 مارچ 2019 20:57

ؒکراچی(اُردو پوائنٹ اخبارتازہ ترین - آن لائن۔ 21 مارچ2019ء) سندھ ہائیکورٹ میں لاپتہ بچوں کی بازیابی سے متعلق کیس کی سماعت میں پولیس نے گیارہ سالہ حسنین کو عدالت میں پیش کردیا، عدالت کا پولیس افسران کے رویئے پر افسوس کا اظہارکیا۔تفصیلات کے مطابق سندھ ہائیکورٹ میں لاپتا بچوں کی بازیابی کیس کی سماعت ہوئی، پولیس نے 18ماہ سے لاپتا گیارہ سالہ حسنین کوپیش کردیا۔

ڈی آئی جی سی آئی اے نے بیان دیا کہ بچہ پڑھائی اور والدین کے تشدد سے بھاگا تھا، جبکہ والد نے اپنے بیان میں کہا کہ والدہ کے تھپڑ سے بچہ ناراض ہوگیا تھا۔

(جاری ہے)

دوسری جانب بچے نے اپنے بیان میں بھانڈاپھوڑتے ہوئے کہا کہ مجھے گھرکے باہر سے کچھ لوگ لے گئے تھے، مجھے ایک گھر میں رکھا گیا۔عدالت نے ریمارکس میں ڈی جی سی آئی اے کو کہا کہ آپ بھی پولیس کی طرح عدالت کو گمراہ کررہے ہیں، جس گھر میں بچے کو رکھا ان سے تفتیش کیوں نہیں کی، آپ کی تفتیش سے ہمیں شرم آرہی ہے۔

عدالت نے لاپتا بچوں سے متعلق پیش رفت رپورٹ طلب کرتے ہوئیآئی جی سندھ کو معاملہ کی خود نگرانی کرنے کی ہدایت کردی۔دوسری جانب دیگر لاپتا بچوں کے والدین بھی پوسٹر لیکرعدالت پہنچ گئے، والدین کا کہنا ہے کہ پولیس بچوں کے بازیابی کے لیے تعاون نہیں کررہی۔