ملک بھر میں مہنگائی کی لہر برقرار،گزشتہ ایک ہفتے میں 22 اشیا ء ضروریہ مہنگی، 9 اشیا سستی ہوئیں

ہفتہ 23 مارچ 2019 17:31

اسلام آباد(اُردو پوائنٹ اخبارتازہ ترین - این این آئی۔ 23 مارچ2019ء) ملک بھر میں مہنگائی کی لہر برقرار،گزشتہ ایک ہفتے میں 22 اشیا ء ضروریہ مہنگی، 9 اشیا سستی ہوئیں۔ ادارہ شماریات کے مطابق سب سے زیادہ کپڑا 13 فیصد مہنگا،، ٹماٹر 28 فیصد سستا ہوا۔

(جاری ہے)

ادارہ شماریات کے مطابق مہنگی ہونے والی دیگر اشیا میں چکن، گوشت، دالیں، گھی اور چاول مہنگی ہونے والی اشیا ء میں شامل ہیں ۔گزشتہ ہفتے میں چینی، آلو، مرچ، گھی، بلب، گڑ، چائے اور خشک دودھ بھی مہنگے ہوئے۔ ادارہ شماریات کے مطابق گزشتہ ہفتے میں ٹماٹر کی قیمتوں میں 28 فیصد اور پیاز 10 فیصد سستے ہوئے۔ ادارہ شماریات کے مطابق انڈے، دال ماش، دال چنا، ایل پی جی سلینڈر اور گندم اور آٹا بھی سستے ہوئے ۔