آٹزم کے شکار افراد کی بہبود کی حکمت عملی لائی جائے گی اور انہیں اپنی صلاحیتیں بروئے کار لانے کیلئے بھر پور موقع فراہم کیا جائے گا

وزیر اعظم عمران خان کی آٹزم سے آگاہی کے عالمی دن کے موقع پر ٹویٹ

منگل 2 اپریل 2019 14:26

آٹزم کے شکار افراد کی بہبود کی حکمت عملی لائی جائے گی اور انہیں اپنی ..

اسلام آباد (اُردو پوائنٹ اخبارتازہ ترین - اے پی پی۔ 02 اپریل2019ء) وزیر اعظم عمران خان نے یقین دہانی کرائی ہے کہ آٹزم کے شکار افراد کی بہبود کی حکمت عملی لائی جائے گی اور انہیں اپنی صلاحیتیں بروئے کار لانے کے لئے بھر پور موقع فراہم کیا جائے گا۔ منگل کو اپنے ایک ٹویٹ میں انہوں نے کہاکہ آٹزم سے آگاہی کے عالمی دن کے موقع پر آج دنیا نہ صرف آٹزم کو پہچان رہی ہے بلکہ اس میں مبتلا افراد کی صلاحیتوں کا اعتراف بھی کیا جا رہا ہے۔

(جاری ہے)

وزیراعظم نے والدین اور اساتذہ کو یقین دلایا کہ آٹزم کے شکار افراد کی بہبود کی حکمت عملی لائیں گے اور انہیں اپنی صلاحیتیں بروئے کار لانے کا موقع دیں گے۔ واضح رہے کہ اقوام متحدہ کی جنرل اسمبلی کی 18 دسمبر 2007ء کو اختیار کردہ قرار داد کے تحت آٹزم سے آگاہی کا عالمی دن ہر سال 2 اپریل کو منایا جاتا ہے جس کے ذریعے اقوام متحدہ کی رکن ریاستوں کو دنیا بھر میں آٹزم میں مبتلا افراد کے بارے میں آگاہی پید اکرنے کے لئے اقدامات اٹھانے کی حوصلہ افزائی کی جاتی ہے۔