Live Updates

عمران خان کی جدوجہد نے پنجاب کے عوام پر کئی دہائیوں سے مسلط استحصالی نظام اور شخصیت پرستی کا خاتمہ کردیا

وزیراعظم کی معاون خصوصی برائے اطلاعات ونشریات ڈاکٹر فردوس عاشق اعوان کا ٹویٹ

ہفتہ 25 مئی 2019 16:56

عمران خان کی جدوجہد نے پنجاب کے عوام پر کئی دہائیوں سے مسلط استحصالی ..
اسلام آباد (اُردو پوائنٹ اخبارتازہ ترین - اے پی پی۔ 25 مئی2019ء) وزیراعظم کی معاون خصوصی برائے اطلاعات ونشریات ڈاکٹر فردوس عاشق اعوان نے کہا کہ ہے کہ عمران خان کی جدوجہد نے پنجاب کے عوام پر کئی دہائیوں سے مسلط استحصالی نظام اور شخصیت پرستی کا خاتمہ کردیا ۔

(جاری ہے)

ہفتہ کو سماجی رابطہ کی ویب سائیٹ ٹویٹر پر اپنے ایک پیغام میں انہوں نے کہا کہ پنجاب کی گروتھ سٹریٹجی 2023ء وزیراعظم عمران خان کے ویژن اور مشن کے اصول کی جانب ایک اہم قدم ہے۔

اس حکمت عملی کے تحت غربت کی سطح میں کمی ،پسماندہ علاقوں کی ترقی،زراعت پر پیش رفت ،غربت کے خاتمے ،پینے کے صاف پانی کی فراہمی اور تعلیم وصحت کی سہولیات شامل ہیں ۔انہوں نے کہا کہ سابق وزیراعلیٰ پنجاب شہباز شریف صرف ٹی چینل پر شہہ سرخیوں اور اخبارات کے اشتہارات تک محدود تھے ۔انہوں نے کہا کہ گروتھ سٹریٹجی 2023ء کے تحت ترقی کے ثمرات پورے پنجاب کے لوگوں تک پہنچیں گے۔
Live عمران خان سے متعلق تازہ ترین معلومات