مہنگائی کے خلاف منظم تحریک چلانے کی حکمت عملی وضح کر لی ہے، جاوید انتظار

عمران خان نے ٹیکسوں کا بوجھ عوام پر ڈال دیا، بجٹ سے عام آدمی کی قوت خرید دم توڑ جائے گی، لوگ مہنگائی کے خلاف نکلنے کے لیے تیار ہو ر ہے ہیں،سابق آزاد امید وار این اے 53 اسلام آباد

پیر 17 جون 2019 21:55

اسلام آباد (اُردو پوائنٹ اخبارتازہ ترین - آن لائن۔ 17 جون2019ء) عمران خان نے ٹیکسوں کا بوجھ عوام پر ڈال دیا۔ بجٹ سے عام آدمی کی قوت خرید دم توڑ جائے گی۔ لوگ مہنگائی کے خلاف نکلنے کے لیے تیار ہو ر ہے ہیں۔ مہنگائی کے خلاف منظم تحریک چلانے کی حکمت عملی وضح کر لی ہے۔ یہ بات سابق آزاد امید وار این اے 53 اسلام آباد جاوید انتظار نے جی سیون مرکز میں منعقدہ مشاورتی اجلاس میں کہی۔

اجلاس میں مہنگائی کے خلاف تحریک کی تشہیری مہم پر اتفاق رائے پایا گیا۔

(جاری ہے)

تا ہم مقامی سطح پر متحدہ اپوزیشن محاذ اسلام آباد کی رائے پر فیصلہ نہ ہو سکا۔ مہنگائی کے خلاف یونین کونسل وائز احتجاجی اجلاسوں کے ذریعے رائے عامہ منظم کی جائے گی۔ دوسرے مرحلے میں احتجاجی جلسے، تیسرے مر حلے میں علامتی بھوک ہڑتال اور آخری مر حلے میں سڑکوں پر مظاہرے کیے جا ئیں گے۔ جاوید انتظار نے مزید کہا آئی ایم ایف معاہدے سے فی کس آمدنی کم ہو جائے گی۔ مہنگائی اور بے روز گاری کا اڑدھا قوم کے اخلاق و کردار کو نگل جائے گا۔ وفاقی بجٹ پارلیمنٹ سے پاس نہ ہونے کی باتیں ہو رہی ہیں۔جو جمہوری عمل کے لیے زہر قاتل ہے۔