ترکی، سابق اعلیٰ فوجی عہدیداروں کو عمر قید کی سزائیں

جمعہ 21 جون 2019 11:31

استنبول (اُردو پوائنٹ اخبارتازہ ترین - اے پی پی۔ 21 جون2019ء) ترکی میں فوجی بغاوت کے تقریباً تین برس بعد 17 سابق اعلیٰ فوجی عہدیداروں کو عمر قید کی سزائیں سنا دی گئی ہیں۔ ترک نیوز ایجنسی انادولو کے مطابق ان میں سے ہر ایک کو 131 مرتبہ عمر قید کی سزائیں دی گئی ہیں۔

(جاری ہے)

ان پر جمہوری حکومت کا تختہ الٹنے کا الزام عائد کیا گیا تھا۔ اسی طرح ان کو بغاوت کے دوران 251 افراد کے ہلاکت کا ذمہ دار بھی ٹھہرایا گیا ہے۔ ترک حکومت اس بغاوت کی ذمہ داری جلاوطن مذہبی رہنما فتح اللہ گولن پر عائد کرتی ہے۔ وہ ان الزامات کو سرے سے مسترد کرتے ہیں۔