ایلون مسک نے اپنے سابق انجینئر پرمقدمہ کردیا، گروک کے راز چرا کر حریف کمپنی کو دینے کا الزام

اتوار 31 اگست 2025 13:55

نیویارک(اُردو پوائنٹ اخبارتازہ ترین - این این آئی۔ 31 اگست2025ء)امریکی ارب پتی کاروباری شخصیت ایلون مسک کی ملکیت والی اسٹارٹ اپ کمپنی ایکس اے آئی نے جو مصنوعی ذہانت کے میدان میں کام کرتی ہے، کمپنی کے سابق انجینئر کے خلاف مقدمہ دائر کیا ہے۔عرب ٹی وی کے مطابق سابق ملازم پر الزام ہے کہ اس نے چیٹ بوٹ گروک سے متعلق تجارتی راز چرائے اور انھیں اپنی حریف کمپنی اوپن اے آئی کو منتقل کیا۔

مسک کی کمپنی نے یہ مقدمہ دو دن قبل کیلیفورنیا کی وفاقی عدالت میں دائر کیا۔

(جاری ہے)

درخواست میں کہا گیا ہے کہ انجیئنر شوچن لی نے وہ خفیہ معلومات چرائی جو "ایسی جدید اے آئی ٹیکنالوجیز سے متعلق ہیں جن کی خصوصیات چیت جی پی ٹی سے بہتر ہیں تاکہ انھیں اپنے نئے عہدے پر اوپن اے آئی میں استعمال کر سکے، جس کا تقرر اس مہینے کے شروع میں ہوا۔مقدمے میں مزید کہا گیا کہ لی نے پچھلے سال ایکس اے آئی طور پر کام شروع کیا اور گروگ کی تربیت اور ترقی میں مدد دی۔ تاہم جولائی میں اوپن اے آئی میں ملازمت قبول کرنے اور ایکس اے آئی کے شیئرز 70 لاکھ ڈالر میں فروخت کرنے کے بعد، اس نے تجارتی راز حاصل کر لیے۔