جامعہ کراچی، ایم فل ، پی ایچ ڈی ،ایم ایس اور ایم ڈی میں داخلوں کے لئے فارم جمع کرانے کی تاریخ میں توسیع

پیر 24 جون 2019 22:57

کراچی۔ (اُردو پوائنٹ اخبارتازہ ترین - اے پی پی۔ 24 جون2019ء) ایم فل، پی ایچ ڈی، ایم ایس (سرجری) اور ایم ڈی (میڈیسن) میں داخلوںکے لئے داخلہ فارم جمع کرانے کی تاریخ میں 28 جون تک توسیع کردی گئی ہے۔ جامعہ کراچی کے رجسٹرارپروفیسرڈاکٹر سلیم شہزادکے اعلامیے کے مطابق داخلہ ٹیسٹ کے لئے اہل امیدواروں کی فہرست 02 جولائی 2019ء کو جامعہ کی ویب سائٹ پر جاری کی جائے گی۔

(جاری ہے)

داخلہ ٹیسٹ کے اہل امیدوار اپنے ایڈمٹ کارڈ 03 تا 12 جولائی تک متعلقہ شعبہ جات، سینٹر اور انسٹیٹوٹ سے حاصل کر سکتے ہیں جبکہ داخلہ ٹیسٹ اتوار 14 جولائی کو صبح 10 بجے ہوں گے جس میں شرکت کے لئے امیدواروں کو مقررہ وقت سے نصف گھنٹے قبل اصل شناختی کارڈ اور ایڈمٹ کارڈ کے ساتھ ٹیسٹ کے مقام پر پہنچنا لازمی ہو گا۔ داخلہ ٹیسٹ میں کامیاب ہونے والے امیدواروں کی فہرست ویب سائٹ پر 31 جولائی کو جاری کی جائے گی۔ واضح رہے کہ ایسے طلبہ جن کی ڈگری ایچ ای سی سے منظور شدہ نجی یا غیر ملکی تعلیمی ادارے سے ہو، انہیں پرویژنل ایڈمیشن سے قبل ڈپٹی رجسٹرار (اکیڈمک) جامعہ کراچی سے ایکویلنس سرٹیفیکٹ حاصل کرنا ہو گا۔

Facebook Twitter Google + Share on Whatsapp

جامعہ کراچی، ایم فل ، پی ایچ ڈی ،ایم ایس اور ایم ڈی میں داخلوں کے لئے فارم جمع کرانے کی تاریخ میں توسیع

متعلقہ عنوان :

مزید تعلیم کی خبریں