پاکستان کے معروف ادیب قدرت اللہ شہاب کی 33ویں برسی 24جولائی کو منائی جائے گی

جمعرات 18 جولائی 2019 13:01

ٹھٹھہ صادق آباد (اُردو پوائنٹ اخبارتازہ ترین - این این آئی۔ 18 جولائی2019ء) پاکستان کے معروف ادیب قدرت اللہ شہاب کی 33ویں برسی 24جولائی کو منائی جائے گی اس سلسلے میں ملک بھر کے ادبی حلقوں میں تعزیتی سیمینارز اور تقریبات کا اہتمام کیا جائے گا ۔

(جاری ہے)

نامور ادیب و بیوروکریٹ قدرت اللہ شہاب 1917ء کوکشمیر میں پیدا ہوئے انہوں نے 1941ء میںانڈین سول سروس میں شمولیت اختیار کی قیام پاکستان کے بعد انتہائی اہم عہدوں پر فائز رہے قدرت اللہ شہاب گورنر جنرل پاکستان غلام محمد،اسکندر مرزا اور جنرل ایوب خان کے سیکر ٹری رہے وہ اقوام متحدہ کے ادارے یونیسکو سے بھی منسلک رہے پاکستان رائٹر گلڈ کی تشکیل ان کا ایک اہم کارنامہ ہے وہ ایک عمدہ نثر نگار اورادیب تھے انہیں اپنی سوانح حیات ’’ شہاب نامہ ‘‘ سے بے پناہ شہرت حاصل ہوئی ان کی دیگر تصانیف میں ’’ سرخ فیتہ، یاخدا،ماں جی ‘‘ قابل ذکر ہیں وہ 24جولائی 1986ء کو انتقال کرگئے تھے۔