امریکی صدر ڈونلڈ ٹرمپ نے وائٹ ہائوس آمد پر وزیراعظم عمران خان کا مرکزی دروازے سے باہر آ کر استقبال کیا

وزیراعظم عمران خان اور ڈونلڈ ٹرمپ کا پرجوش مصافحہ

پیر 22 جولائی 2019 23:24

واشنگٹن ۔ (اُردو پوائنٹ اخبارتازہ ترین - اے پی پی۔ 22 جولائی2019ء) امریکی صدر ڈونلڈ ٹرمپ نے وائٹ ہائوس آمد پر وزیراعظم عمران خان کا مرکزی دروازے سے باہر آ کر استقبال کیا۔ پیر کو وزیراعظم عمران خان جب وائٹ ہائوس پہنچے تو صدر ڈونلڈ ٹرمپ پہلے سے ان کے استقبال کے لئے موجود تھے۔ وزیراعظم عمران خان اور ڈونلڈ ٹرمپ نے پرجوش مصافحہ کیا۔ دونوں رہنمائوں کے چہرے پر مسکراہٹ نمایاں تھی۔

(جاری ہے)

وزیراعظم عمران خان قومی لباس شلوار قمیض زیب تن کئے ہوئے تھے۔ وزیر خارجہ شاہ محمود قریشی اور آرمی چیف جنرل قمر جاوید باجوہ بھی وزیراعظم کے ہمراہ وائٹ ہائوس پہنچے۔ دونوں رہنمائوں کے درمیان اقتدار میں آنے کے بعد یہ پہلی تاریخی ملاقات ہے۔ وزیراعظم عمران خان اور امریکی صدر ڈونلڈ ٹرمپ نے ون آن ون ملاقات سے قبل میڈیا سے مختصر گفتگو بھی کی۔ امریکی صدر نے کہا کہ وزیراعظم عمران خان سے ملاقات انتہائی خوشگوار انداز سے دیکھ رہا ہوں۔