عالمی برادری مقبوضہ کشمیر میں بھارت کے ظلم اور انسانی حقوق کی خلاف ورزی بند کرانے میں اپنا کردار اداکرے، رکن قومی اسمبلی غلام بی بی بھروانہ کی اے پی پی سے گفتگو

منگل 15 اکتوبر 2019 23:41

اسلام آباد ۔ (اُردو پوائنٹ اخبارتازہ ترین - اے پی پی۔ 15 اکتوبر2019ء) پاکستان تحریک انصاف کی رکن قومی اسمبلی غلام بی بی بھروانہ نے کہا ہے کہ کشمیریوں نے دنیا پر واضع کردیاہے کہ وہ بھارت کی جارحیت کے باوجود اپنے آزادی کے موقف پر قائم ہیں، اور ظلم وجبر ان کو جدوجہد سے پیچھے نہیں ہٹاسکا۔ کشمیر کی آزادی کے علاوہ کوئی آپشن قابل قبول نہیں ہے۔

(جاری ہے)

عالمی برادری مقبوضہ کشمیر میں بھارت کے ظلم اور انسانی حقوق کی خلاف ورزی بند کرانے میں اپنا کردار اداکرے۔ یہ بات انہوں نے اے پی پی سے گفتگوکرتے ہوئے کہی۔ انہوں نے کہا کہ اب وقت آگیا ہے کہ دنیا کشمیریوں کو آزادی دلانے کیلئے کردار اداکرے۔ انہوں نے کہا کہ کشمیریوں نے بھارت کے خلاف جدوجہد کرکے ایک نئی تاریخ رقم کی ہے ۔ ایک سوال پر انہوں نے کہا کہ وزیراعظٖم عمران خان مسئلہ کمشیر کے حوالے سے دنیا کو جس طرح آگاہ کررہے ہیں ، اس کے مثبتت نتائج برآمد ہوںگے اور کشمیر آزاد ہوگا ۔ اورکشمیر بنے گا پاکستان کے نعرے کو حقیقی روپ ملے گا۔