برطانوی شاہی جوڑا پاکستان کا تاریخی دورہ مکمل کر کے وطن واپس چلا گیا

شاہی جوڑے نے صدر ، وزیر اعظم سے ملاقاتوں کے علاوہ اسلام آباد، لاہور اور شمالی علاقہ جات کے خوبصورت مقامات کی سیر کی

جمعہ 18 اکتوبر 2019 18:10

اسلام آباد (اُردو پوائنٹ اخبارتازہ ترین - این این آئی۔ 18 اکتوبر2019ء) برطانوی شاہی جوڑا پاکستان کا تاریخی دورہ مکمل کر کے وطن واپس چلا گیا ۔برطانوی شہزادہ ولیم اور شہزادی کیٹ مڈلٹن چار روزہ دورے پر پاکستان آئے تھے۔ اس دوران انہوں نے اسلام آباد، لاہور اور شمالی علاقہ جات کے خوبصورت مقامات کی سیر کی۔اس موقع پر شاہی جوڑے نے مختلف تقریبات میں شرکت کی اور اپنے خیالات کا اظہار بھی کیا۔

(جاری ہے)

اس دوران شاہی جوڑا پاکستان کے ثقافتی رنگوں میں نظر آیا جسے پاکستانی مداحوں نے خوب سراہا۔دورے پر برطانوی شاہی جوڑے نے صدر مملکت عارف علوی اور وزیراعظم عمران خان سمیت دیگر نامور شخصیات سے بھی ملاقاتیں کیں اور اسے خوش آئند قرار دیا۔برطانوی شاہی جوڑا اسلام آباد سے اپنے خصوصی طیارے میں وطن واپسی کے لیے روانہ ہوا جہاں ان کو پاکستانی اعلی حکام اور برطانوی ہائی کمیشن کے اہلکاروں نے رخصت کیا۔