حکومت پنجاب کے ویژن کے مطابق آفس کے دروازے تمام سائلین کے لیے کھلے ہیں،ڈپٹی کمشنر چنیوٹ

جمعہ 18 اکتوبر 2019 18:31

چنیوٹ ۔ (اُردو پوائنٹ اخبارتازہ ترین - اے پی پی۔ 18 اکتوبر2019ء) حکومت پنجاب کے ویژن کے مطابق ڈپٹی کمشنر آفس اور ڈی پی او آفس کے دروازے تمام سائلین کے لیے کھلے ہیں ، لوگوں کی شکایات کا میرٹ کے مطابق ازالہ کیا جائے گا اورمقدمات کی تفتیش ہر صورت میرٹ پر کی جائیگی جبکہ اس سلسلے میں کسی قسم کا دبائو قبول نہیں کیا جائے گا اور انصاف کی فراہمی کو ہر صورت یقینی بنایا جائے گا ۔

ان خیالات کا اظہار ڈپٹی کمشنر چنیوٹ سید امان انور قدوائی اور ڈسٹرکٹ پولیس آفیسر سید حسنین حیدرنے کھلی کچہری میں کی۔

(جاری ہے)

تفصیلات کے مطابق وزیر اعلیٰ پنجاب جناب عثمان بزدار کی ہدایت پر لوگوں کے مسائل سننے اور انکے حل کے لیے ڈپٹی کمشنر سید امان انور قدوائی اور ڈی پی او سید حسنین حیدرنے ڈی سی آفس چنیوٹ میں مشترکہ کھلی کچہری لگائی،کھلی کچہری میںاے ڈی سی جی عمران عصمت، اسسٹنٹ کمشنرخضر حیات بھٹی، عدنان رشید، فضل عباس ، ایس ایچ اوز، و دیگر پولیس افسران ، محکمہ ایجوکیشن ،صحت ، میونسپل کمیٹی ، ضلع کونسل ،سول ڈیفنس ، روڑز، بلڈنگ ، پبلک ہیلتھ ، لائیو سٹاک ، لوکل گورنمنٹ ودیگر محکموں کے افسران اور صحافیوں سمیت شہریوں کی کثیر تعداد نے شرکت کی ،ڈی سی اور ڈی پی او نے تمام پیش ہونے والے سائلین کی شکایات کوبغور سنااور موقع پر ہی متعلقہ افسروں کو میرٹ کے مطابق انکی شکایات دور کرنے اور انکی دادرسی کے احکامات جاری کیے ،اس موقع پر ڈپٹی کمشنر سید امان انور قدوائی اور ڈی پی او سید حسنین حیدر نے کہا کہ افسران تک عام آدمی کی رسائی میں رکاوٹ نہیں آنی چاہیے ،لوگوں کے مسائل ترجیحی بنیادوں پر دیانتداری سے میرٹ پر حل کیے جائیں، انہوں نے مزید کہا کہ ضلعی افسران و پولیس افسران اپنے دفاتر میں آنے والے سائلین سے خوش اخلاقی سے پیش آئیں اور انکے مسائل سن کر انکو ہر ممکن ریلیف فراہم کریں ۔