گینیز ورلڈ ریکارڈ نے 1.46 انچ کے دانت کو دنیا کا سب سے بڑا دانت قرار دے دیا

امین اکبر جمعرات 31 اکتوبر 2019 23:50

ایک جرمن ڈینٹسٹ کے ایک مریض کے منہ سے نکالے گئے دانت کو گینیز ورلڈ ریکارڈ نے دنیا کا سب سے لمبا دانت قرار دیا ہے۔ ڈاکٹر میکس لوکاس کا کہنا ہے کہ انہوں نے یہ دانت 2018 میں ایک مریض کے منہ سے نکالا تھا۔ وہ مریض دانت کے شدید درد کی شکایت لے کر آیا تھا۔

(جاری ہے)

لوکاس کا کہنا ہے کہ انہیں گینیز ورلڈ ریکارڈ کی ضروری کاغذی کاروائی پورا کرنے میں پورا ایک سال لگ گیا، جس کے بعد اُن کے نکالے گئے دانت کو دنیا کے سب سے بڑے دانت کا اعزاز مل گیا۔

لوکاس کو یہ سرٹیفکیٹ منگل کو ملا ہے۔ اُن کا ارادہ ہے کہ اس سرٹیفیکیٹ کو اپنے دفتر میں آویزاں کریں گے۔