اس گولڈ ٹوائلٹ کی سیٹ پر 40,815 ہیرے جڑے ہیں

امین اکبر بدھ 6 نومبر 2019 18:58

ہانگ کانگ کی ایک جیولری کمپنی نے چین میں ہونے والے ایک ایکسپو میں سونے کا ایک ایسا ٹوائلٹ پیش کیا ہے، جس کی سیٹ میں 40,815 ہیرے جڑے ہیں۔
کورونیٹ جیولری برانڈ، آرون شوم جیولری لمیٹڈ کی ملکیت ہے۔ انہوں نے اس قیمتی ٹوائلٹ کو سوموار کو شنگھائی میں ہونے والی دوسرے چائنا انٹرنیشنل امپورٹ ایکسپو میں پیش کیا۔
یہ ٹوائلٹ زیادہ تر سونے کا بناہے۔

(جاری ہے)

اس کی سیٹ بلٹ پروف شیشے سے بنی ہے، جس میں مجموعی طور پر 334.68 کیرٹ کے 40,815 ہیرے جڑے ہیں۔
کورونیٹ کا کہنا ہے کہ گینیز ورلڈ ریکارڈ کے نمائندے بدھ کو اس ٹوائلٹ کامعائنہ کرنے کے بعد فیصلہ کریں گے کہ کیا یہ ٹوائلٹ میں زیادہ ہیرے جڑے ہونے کے عالمی ریکارڈ کی شرائط پر پوری اترتا ہے؟ یہ کورونیٹ کا دسواں عالمی ریکارڈ ہو سکتا ہے۔ اس سے پہلے یہ برانڈ ایک گھڑی میں زیادہ ہیرے جڑنے کا عالمی ریکارڈ بھی اپنے نام کر چکا ہے۔

Facebook Twitter Google + Share on Whatsapp

اس گولڈ ٹوائلٹ کی سیٹ پر 40,815 ہیرے جڑے ہیں

متعلقہ عنوان :

مزید عجیب و غریب خبریں