دعا منگی کی رہائی کے بعد پہلی تصویر سامنے آگئی

دعا منگی کے مامو وسیم منگی نے اپنے ساتھ دعا کی تصویر فیس بک پر شئیر کردی ہے جس میں دعا حشاش بشاش دکھائی دے رہی ہیں

Usman Khadim Kamboh عثمان خادم کمبوہ اتوار دسمبر 14:16

دعا منگی کی رہائی کے بعد پہلی تصویر سامنے آگئی
کراچی(اُردو پوائنٹ اخبارتازہ ترین۔ 08دسمبر2019ء) دعا منگی کی رہائی کے بعد پہلی تصویر سامنے آگئی ہے۔ دعا منگی کے مامو وسیم منگی نے اپنے ساتھ دعا کی تصویر فیس بک پر شئیر کردی ہے جس میں دعا حشاش بشاش دکھائی دے رہی ہیں۔ 
 
دعا منگی کی رہائی کے بعد پہلی تصویر
دعا منگی کی رہائی کے بعد پہلی تصویر
واضح رہے کہ تاوان کی ادائیگی کے ایک ہفتے بعد دعا منگی گزشتہ روز گھر پہنچی تھیں۔ ذرائع کے مطابق رہائی کا طریقہ کار سوشل میڈیا پر طے ہوا۔

بتایا گیا ہے کہ دعا منگی کے اغوا میں ہائی ٹیک گروہ ملوث ہونے کا انکشاف ہوا ہے، اغوا کاروں نے دعا کے اہل خانہ سے بات کے دوران ویڈیو کال پر گھر کا جائزہ بھی لیا تھا، دعا کے اغوا میں ملوث گروہ پر پہلے بھی شہر میں واردات کا شبہ ہے، مئی میں ڈیفنس ہی سے اغوا ہونے والی بسمہ کے کیس میں بھی یہی گروہ ملوث تھا۔

(جاری ہے)

بسمہ اور دعا کے اغوا کے کیسز میں مماثلت بتائی جا رہی ہے، بسمہ کو بھی بھاری تاوان کی ادائیگی کے بعد چھوڑا گیا تھا، سات مہینے گزرنے کے بعد بھی بسمہ کیس کے ملزمان گرفتار نہیں ہوئے، سندھ پولیس دعا منگی کے کیس میں بھی مکمل طور پر بے بس نظر آ رہی ہے۔

یاد رہے کہ 30نومبر کو رات گئے ڈیفنس سے اغوا ہونے والی دعا منگی ازخود گھر پہنچ گئی تھی۔ دعا منگی کی رہائی ڈیڑھ کروڑ تاوان کی ادائیگی کے بعد ہونے کا انکشاف ہوا تھا۔ تاہمدعا منگی کے اہلِ خانہ اس حوالے سے کوئی بھی تفصیلات فراہم کرنے سے گریزاں ہیں۔ ذرائع کے مطابق دعا منگی کو بازیاب کرانے میں سندھ پولیس ناکام رہی اوراس کی رہائی مبینہ طورپرتاوان کے عوض عمل میں آئی۔دعا منگی کے ماموں وسیم منگی نے تصدیق کرتے ہوئے کہا الحمدللہ دعا گھرپر خیریت سے ہے، کمیونٹی سے مشاورت کے بعد دعا منگی سے متعلق فیصلہ کریں گے، معاملے پر بہت سے پہلو ایک ساتھ اکٹھے ہوگئے ہیں، دعا منگی کی واپسی میں بہت سی چیزیں شامل ہیں۔اب انہوں نے دعا منگی کے ساتھ اپنی تصویر بھی شئیر کردی ہے۔