آرٹ گیلری کا وزیٹر 1 لاکھ 20 ہزار ڈالر مالیت کے کیلے کو کھا گیا، دوسرے وزیٹر نے دیوار خراب کر دی

فلوریڈا کی ایک آرٹ گیلری میں دیوار پر ڈکٹ ٹیپ سے چپکائے ہوئے 1 لاکھ 20 ڈالر  مالیت کے کیلے کو آرٹ گیلری میں آنے والے ایک وزیٹر کھا گیا۔ اس سے پہلے ایک دوسرے وزیٹر نے دیوار پر بے ڈھنگی تحریریں لکھ دیں تھی۔
نیویارک سے تعلق رکھنے والے ڈیوڈ ڈاٹونا ایک پرفارمنس آرٹسٹ ہیں۔ انہوں نے  ایک ویڈیو پوسٹ کی ہے، جس میں انہیں آرٹ بیسل میامی بیچ پر قیمتی  کیلا کھاتے ہوئے دکھایا گیا ہے۔

(جاری ہے)

انتظامیہ کا کہنا ہے کہ وہ ڈیوڈ پر مقدمہ چلانے کا ارادہ نہیں رکھتے۔
ڈکٹ  ٹیپ سے چپکا ہوا کیلا اطالوی آرٹسٹ ماؤریزیو کا شاہکار تھا۔ اس کے ساتھ کے دو کیلے 1 لاکھ 20 ہزار ڈالر فی کیلا کے حساب سے فروخت ہو چکے تھے۔ یہ اس ایڈیشن کا آخری کیلاتھا۔
اس سے پہلے ایک شخص نے  کیلے والی دیوار پر لپ اسٹک سے Epstien didn’t kill himself لکھا گیا۔ یہ ایک ملزم جیفرے اپسٹن کی موت  کے حوالے سے گردش کرتے سازشی نظریات کے  بارے میں تحریر تھی ۔اس پر 46 سالہ روڈریک ویبر کو گرفتار کر لیا گیا ہے۔