اسرائیلی ریاستی دہشت گردی، 2019ء میں 149 فلسطینی شہید

گذشتہ پانچ سال کے دوران ہر سال اوسطا 161 فلسطینی شہید کیے گئے، شہداء و اسیران سوسائٹی

جمعرات 2 جنوری 2020 15:22

اسرائیلی ریاستی دہشت گردی، 2019ء میں 149 فلسطینی شہید

غزہ(اُردو پوائنٹ اخبارتازہ ترین - این این آئی۔ 02 جنوری2020ء) فلسطین میں شہداء و اسیران سوسائٹی کی طرف سے جاری کردہ ایک رپورٹ میں بتایا گیا ہے کہ سال 2019ء کے دوران اسرائیلی فوج کی فلسطینیوں کے خلاف ریاستی دہشت گردی کے نتیجے میں 149 فلسطینی شہید ہوئے۔ شہداء میں 74 فی صد غزہ کی پٹی سے تعلق رکھتے ہیں۔

(جاری ہے)

میڈیارپورٹس کے مطابق فلسطینی سماجی کارکن محمد صبیحات نے بتایا کہ گذشتہ برس اسرائیلی ریاستی دہشت گردی کے نتیجے میں شہید ہونے والوں میں 33 بچے ہیں جو کل شہداء کا 23 فی صد ہیں جب کہ 2018ء کی نسبت شہید ہونے والے بچوں کی تعداد میں 5 فی صد اضافہ ہوا ہے۔

انہوں نے بتایا کہ گذشتہ پانچ سال کے دوران ہر سال اوسطا 161 فلسطینی شہید کیے گئے۔گذشتہ برس اسرائیلی فوج کی ریاستی دہشت گردی کے نتیجے میں 149 فلسیطنی شہید ہوئے۔ شہداء میں 112 کا تعلق غزہ کی پٹی سے ہے۔ 69 فی صد فلسطینی اسرائیلی ریاست کی وحشیانہ بمباری میں شہید ہوئے۔ غرب اردن میں شہید ہونے والے فلسطینیوں کی تعداد 37 تھی جو کہ کل شہداء کا 26 فی صد ہیں۔ شہدا میں 33 بچے، 12 خواتین اور 137 مرد تھے۔