ٹوئنٹی ٹوئنٹی ٹِپ چیلنج۔ 3 لاکھ 12 ہزار روپے کی ٹپ نے ویٹریس کو حیران کر دیا

امین اکبر جمعہ 3 جنوری 2020 23:58

انٹرنیٹ پر تازہ ترین چیلنج میں حصہ لینا عام افراد کے بس کی بات نہیں۔

2020 ٹپ چیلنج میں لوگ ریسٹورنٹس میں کھانا کھانے کےبعد نئے سال کی مناسبت سے ویٹروں کو 2020 ڈالر ٹپ دیتے ہیں۔

(جاری ہے)

اس چیلنج کے سامنے آنے کے بعد بہت سی متاثر کن کہانیاں بھی سامنے آئیں ہیں۔ ظاہر ہے ، یہ اتنی بڑی ٹپ ہے، جس سے ویٹروں کے کئی مسائل ختم ہو جاتے ہیں۔
ایسی ہی ایک کہانی اس وقت سامنے آئی جب 2019 کے آخری دنوں میں امریکی گلوکار اور ادا کار ڈونی واہلبرگ نے الینوائے کے ایک ریسٹورنٹ میں 23 ڈالر کے بل کے ساتھ ویٹریس کے لیے 2020 ڈالر(تقریبا 3 لاکھ 12 ہزار روپے) کی بھاری ٹپ چھوڑی۔

یہ ویسٹریس نشے کی لت سے چھٹکارے کے لیے اپنا علاج کرا رہی ہیں اور بے گھر افراد کی پناہ گاہ میں رہتی ہے۔ 2020 ڈالر کی رقم سے اب وہ اپنے کرائے کے گھر میں منتقل ہو سکتی ہیں۔ ویٹریس کا کہنا ہے کہ اس رقم سے کچھ وہ اپنا ڈرائیونگ لائسنس حاصل کرنے کے لیے استعمال کریں گی جبکہ باقی رقم بچا کر رکھیں گی۔
ڈونی واہلبرگ کی بیوی جینی میکارتھی نے اس ٹپ کی رسید کی تصویر ٹوئٹر پر شیئر کی ہے، جہاں سے یہ انٹرنیٹ پر وائرل ہو گئی۔ٹوئٹر پر 2020 ٹپ چیلنج کے حوالے سے بہت سی متاثر کن پوسٹیں شیئر ہو رہی ہیں۔
2020 ٹپ چیلنج 2018 میں مقبول ہونے والے ٹپ چیلنج ”ٹپ دی بل“ جیسا ہی ہے لیکن اس سے کافی مہنگا ہے۔ٹپ دی بل چیلنج میں لوگ بل کی رقم جتنی رقم ویٹر کو ٹپ میں دیتے تھے۔