پنجاب میں آٹے کا کوئی بحران نہیں ہے، وزیراعلی پنجاب کی قیادت میں صوبائی حکومت کی کارکردگی مثالی ہے،
اتحادیوں کی طرف سے صوبوں اور مرکز میں حکومت کو کسی قسم کا کوئی خطرہ نہیں ہے، حکومت 5 سال پورے کرے گی، وزیر اطلاعات پنجاب فیاض الحسن چوہان کا پنجاب ہائوس میں میڈیا سے گفتگو
ہفتہ 18 جنوری 2020 20:03
(جاری ہے)
انہوں نے کہا کہ پنجاب میں آٹے کا کوئی بحران نہیں ہے، ہر سال جنوری میں گندم کی طلب بڑھ جاتی ہے، بزدار حکومت نے دسمبر میں ہی گندم کا کوٹہ بڑھا دیا تھا، یہ پی ٹی آئی حکومت کو بدنام کرنے کیلئے باقاعدہ سازش کی گئی، پنجاب حکومت نے 15 فلور ملز کے لائسنس معطل کئے اور 15 کروڑ جرمانہ کیا۔
انہوں نے کہا کہ ایک ایساسافٹ وئیر تیار کیا ہے جس سے فلور ملز، ڈیلرز کا چیک اینڈ بیلنس ہوگا۔ انہوں نے کہا کہ وزیراعظم پاکستان عمران خان کی قیاد ت میں پاکستان تحریک انصاف کی حکومت نہ صرف تزک و احتشام سے موجودہ پانچ سال مکمل کرے گی بلکہ عزت و احترام سے اگلے پانچ برسوں میں بھی برسراقتدار ہوگی۔ فیاض الحسن چوہان نے کہا کہ پاکستان تیزی سے معاشی استحکام کی جانب رواں دواں ہے اور سابق حکمرانوں کی طرف سے جس معیشت کی جڑیں کھوکھلی کر دی گئی تھیں اسے استحکام سے ہمکنار کرنے کیلئے پاکستان تحریک انصاف کی حکومت پوری تندہی اور جذبے کے ساتھ کوشاں ہے۔ انہوں نے کہا کہ پنجاب میں پہلی مرتبہ وزیراعلی سردارعثمان بزدار کی قیادت اور پالیسیوں کے نتیجے میں 104 فیصد ٹیکس جمع ہوا ہے، سابقہ دور میں قائم وزیراعلی کیمپ آفس کی تعداد کو آٹھ سے کم کرکے ایک کیا گیا جس سے 60 فیصد بچت کی گئی۔ انہوں نے کہا کہ سابق وزیراعلی پنجاب نے اس وقت کی خیبر پختونخواہ کی حکومت کی نقل میں جس طرح ہیلتھ انشورنس کی ناکام سکیم متعارف کروائی اور محض چند اضلاع میں ہیلتھ کارڈ تقسیم کئے گئے اس کے برعکس وزیراعلی پنجاب سردار عثمان بزدار کی ذاتی توجہ اور وزیر صحت پنجاب ڈاکٹر یاسمین راشد کی سربراہی میں اب تک پنجاب کے 60 فیصد اضلاع میں سوا سات لاکھ روپے تک کی مالی سہولت کے ہیلتھ کارڈ تقسیم ہو چکے ہیں اور رواں مالی سال کے دوران صوبے کے تمام 36 اضلاع میں ہیلتھ کارڈ تقسیم کرنے کا ہدف حاصل کر لیا جائے گا۔ انہوں نے کہا کہ اپوزیشن اور حکومت مخالف عناصر کا ہر پروپیگنڈہ ناکام ہوا ہے اور پنجاب حکومت اس وقت اپنی پوری استعداد کے مطابق عوامی فلاح و بہبود اور تعمیر و ترقی کے مشن پر گامزن ہے۔ انہوں نے کہا کہ جو عناصر بزدار حکومت کے خلاف سازشیں کررہے ہیں انہیں اس میں ہر مرحلے پر ناکامی کا منہ دیکھنا پڑ رہا ہے۔ دریں اثناء کرائم اینڈ کورٹ رپورٹرز ایسوسی ایشن راولپنڈی کی حلف برداری کی تقریب سے خطاب کرتے ہوئے انہوں نے کہا کہ صحافی ریاست کا چوتھا ستون ہیں جنہوں نے جمہوریت کی بحالی کیلئے بے پناہ قربانیاں دیں، وہ بطور انفارمیشن منسٹر صحافیوں کی فلاح و بہبود اور عزت و وقار کی بحالی کیلئے اپنا کردار ادا کرتے رہیں گے۔ صوبائی وزیر نے مزید کہا کہ جو میڈیا مالکان اپنے ورکرز کو لگاتار تین ماہ تک تنخواہ نہیں دیں گے ان کے اشتہارات بند کر دیئے جائیں گے، اس حوالے سے وہ جلد ڈائریکٹر جنرل پبلک ریلیشن سے میٹنگ کریں گے۔مزید اہم خبریں
-
سٹاک مارکیٹ کی تیزی معاشی استحکام کی علامت ہیں،محمد اورنگزیب
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.