امریکی سینیٹ نے صدر ٹرمپ کے اختیارات محدود کر دیے

امریکی سینیٹ میں ڈونلڈ ٹرمپ کو کانگریس کی اجازت کے بغیر ایران کے خلاف فوجی کارروائی سے روکنے کی قرارداد منظور کر لی گئی

کامران حیدر اشعر جمعہ 14 فروری 2020 10:07

واشنگٹن (اردو پوائنٹ اخبار تازہ ترین۔ 14 فروری 2020ء) امریکی سینیٹ نے صدر ٹرمپ کے اختیارات محدود کر دیے۔ امریکی سینیٹ میں ڈونلڈ ٹرمپ کو کانگریس کی اجازت کے بغیر ایران کے خلاف فوجی کارروائی سے روکنے کی قرارداد منظور کر لی گئی۔

US Senate passed a resolution limiting Trump’s war powers in the case of Iran https://t.co/yLqEFhtNBK
— RT (@RT_com) February 13, 2020

تفصیلات کے مطابق امریکی سینیٹ نے صدر ٹرمپ کے خلاف قرارداد منظور کر کے امریکی صدر کے جنگی اختیارات کو محدود کر دیا ہے۔

سینیٹ نے امریکی صدر کو بغیر اجازت کے ایران کے خلاف کسی بھی قسم کی فوجی کارروائی سے روک دیا ہے۔

NEW: The US Senate passed a resolution to prevent Trump from waging war with #Iran, weeks after the US killed top IRGC general Qassem Soleimani. Some Republican Senators crossed party lines and voted with Democrats. And Trump is expected to veto it. https://t.co/lTvpfOHJ0L
— Negar Mortazavi نگار مرتضوی (@NegarMortazavi) February 13, 2020

قرارداد کی منظوری کے بعد سے امریکی صدر ایران کے خلاف سینیٹ کی منظوری کے بغیر فوجی کارروائی نہیں کر سکیں گے۔ غیر ملکی خبر رساں ادارے کے مطابق سینیٹ میں ہونے والی ووٹنگ میں قرارداد کے حق میں 55 جبکہ مخالفت میں 45 ووٹ ڈالے گئے، 8 ری پبلکن سینیٹرز نے بھی قرارداد کے حق میں ووٹ ڈالے۔

(جاری ہے)

BREAKING: The US Senate just voted 55-45 to limit Trump’s military authority against Iran. Great. Now limit Trump’s military authority against every other country in the world.
— Scott Dworkin (@funder) February 13, 2020

قرارداد کے مطابق آئندہ سے امریکی صدر کو ایران کے خلاف جنگ کی صورت میں کسی بھی قسم کی فوجی کارروائی کے لیے کانگریس سے منظوری لینا پڑے گی، اس کے علاوہ جارحیت میں ملوث امریکی فوجیوں کو بھی واپس بلانا پڑے گا۔ اس سے قبل امریکی صدر ڈونلڈ ٹرمپ نے سینیٹ سے کہا تھا کہ وہ ان کے ایران کے خلاف جنگ کی اجازت دینے کے اختیار کو محدود کرنے سے متعلق قرارداد کو منظور نہ کرے۔

صدر ٹرمپ نے اپنے ایک ٹوئیٹ میں کہا کہ اس قرارداد کی منظوری سے ایران کو ایک بہت برا اشارہ جائے گا اور وہ کسی استثنیٰ کے بغیر اقدامات کرتا رہے گا۔

It is very important for our Country’s SECURITY that the United States Senate not vote for the Iran War Powers Resolution. We are doing very well with Iran and this is not the time to show weakness. Americans overwhelmingly support our attack on terrorist Soleimani....
— Donald J. Trump (@realDonaldTrump) February 12, 2020

امریکی صدر کا کہنا تھا کہ یہ ہمارے ملک کی سلامتی کے لیے بہت اہم ہے کہ امریکی سینیٹ ایران جنگ اختیارات سے متعلق قرارداد کے حق میں ووٹ نہ دے، ہم ایران کے ساتھ بہت اچھا کر رہے ہیں، یہ کمزوری دکھانے کا وقت نہیں ہے۔ واضح رہے کہ سینیٹ نے امریکی صدر کے جنگی اختیار کو محدود کرنے کا اقدام ایرانی جنرل قاسم سلیمانی کو امریکہ کی جانب سے نشانہ بنائے جانے کے 40ویں روز کیا ہے۔