بھارت کی جانب سے ڈی پورٹ کی جانے والی برطانوی رکن پارلیمنٹ سمیت 9 رکنی پارلیمانی وفد اسلام آباد پہنچ گیا

بدھ 19 فروری 2020 13:51

اسلام آباد (اُردو پوائنٹ اخبارتازہ ترین - اے پی پی۔ 19 فروری2020ء) بھارت کی جانب سے ڈی پورٹ کی جانے والی برطانوی رکن پارلیمنٹ ڈیبی ابراہام سمیت 9 رکنی پارلیمانی وفد پاکستان کے دورے پر اسلام آباد پہنچ گیا۔ بدھ کو پاکستان آمد پر اسلام آباد ایئرپورٹ پرحریت رہنمائوں مننظور احمد شاہ، عبدالحمید لون اور تحریک کشمیر برطانیہ کے سربراہ راجہ نجابت حسین نے وفد کا استقبال کیا۔

(جاری ہے)

وفد میں لارڈ قربان حسین، عمران حسین، جیمز ڈیلی اور دیگر شامل ہیں۔ واضح رہے کہ رکن برطانوی پارلیمنٹ ڈیبی ابراہام کو دو دن قبل بھارت نے اندرا گاندھی ایئرپورٹ سے ڈی پورٹ کیا تھا، انہیں مسئلہ کشمیر پر آواز بلند کرنے پر بھارت جانے سے روکا گیا تھا۔ وہ دنیا بھر میں کشیمر یوں کے لئے بھر پور آواز اٹھانے کے حوالے سے جانی جاتی ہیں، وفد آزاد کشمیر کا بھی دورہ کرے گا۔