رواں مالی سال کے دوران افغانستان کو پاکستانی برآمدات میں اضافہ ریکارڈ ، افغانستان کو 543.15ملین ڈالر کی برآمدات کی گئیں، یہ شرح گزشتہ مالی سال کے اسی عرصہ کے مقابلہ میں 1.58فیصد زیادہ ہے،اسٹیٹ بینک

اتوار 23 فروری 2020 19:25

اسلام آباد ۔ (اُردو پوائنٹ اخبارتازہ ترین - اے پی پی۔ 23 فروری2020ء) رواں مالی سال کے دوران افغانستان کو پاکستانی برآمدات میں اضافہ ریکارڈ کیا گیا ہے۔ اسٹیٹ بینک آف پاکستان کے اعدادوشمار کے مطابق موجودہ مالی سال کے دوران افغانستان کو 543.15ملین ڈالر کی برآمدات کی گئیں، یہ شرح گزشتہ مالی سال کے اسی عرصہ کے مقابلہ میں 1.58فیصد زیادہ ہے، گزشتہ مالی سال کے اسی عرصہ میں افغانستان کو 534.65 ملین ڈالر کی برآمدات کی گئی تھیں۔

(جاری ہے)

گزشتہ مالی سال کے دوران افغانستان کو پاکستان کی مجموعی برآمدات کا حجم 1.192ارب ڈالر ریکارڈ کیا گیا تھا، سال 2017-18ء میں افغانستان کو پاکستانی برآمدات کا حجم 1.49ارب ڈالر تھا۔ برآمدات کے مقابلہ میں افغانستان سے درآمدات میں کمی دیکھنے میں آئی ہے، مالی سال کے پہلے 6 مہینوں میں افغانستان سے 77.79ملین ڈالر کی درآمدات کی گئیں جو گزشتہ مالی سال کے اسی عرصہ کے مقابلہ میں کم ہے۔ گزشتہ مالی سال کے اسی عرصہ میں افغانستان سے درآمدات پر 85.11ملین ڈالر کا زرمبادلہ صرف ہوا تھا۔

Facebook Twitter Google + Share on Whatsapp

متعلقہ عنوان :

مزید قومی خبریں