کرونا وائرس جانوروں سے انسانوں میں منتقل ہونے والا پراسرار مرض ،ڈرنے یا خوف میں مبتلا ہو نے کی ضرورت نہیں،شہبار حسین نقوی

سرگودھا(اُردو پوائنٹ اخبارتازہ ترین - این این آئی۔ 03 مارچ2020ء) ایڈیشنل کمشنر کوارڈینیشن سرگودھا شہباز حسین نقوی نے کہا کہ کرونا وائرس جانوروں سے انسانوں میں منتقل ہونے والا پراسرار مرض ہے۔جس سے ڈرنے یا خوف میں مبتلا ہو نے کی ضرورت نہیں۔ ماہرین کے تجویز کردہ مشوروں اور احتیاطی تدابیر پر عمل کیا جائے اور عوام کو زیادہ سے زیادہ آگاہی دی جائے۔

پنجاب حکومت نے کرونا وائرس سے بچاواور آگاہی کیلئے بھر پور مہم شروع کر رکھی ہے۔اس ضمن میں تمام متعلقہ اداروں کو بھر پور تشہیر ی مہم شروع کرنے کا حکم دیا گیا ہے۔اس ٹھہری مہم میں عوام الناس سے کہا گیا ہے کہ کرونا وائرس کے بارے میں گھبرانا نہیں اور احتیاطی تدابیر اختیار کریں ۔ پر ہجوم جگہوں پر جانے سے گریز کریں۔

(جاری ہے)

ہاتھ دھونے کیلئے صابن استعمال کریں۔

متاثرہ اوردیگربیرون ممالک کے مسافروں کو بخار،کھانسی یا سانس کی تکلیف کی صورت میں ان کا فوری طبی معائنہ کروائیں۔ عوام الناس کھانستے یا چھنکتے وقت رومال ‘ ٹشو پیپر یا کہنی سے منہ اور ناک ڈھانپ لیں ۔ ماسک کا استعمال صرف کھانسی یا فلو میں مبتلا افراد ڈاکٹر کی ہدایت پر کریں۔انہوں نے بتایا کہ ضلعی انتظامیہ نے کرونا کے بارے کیبل سمیت سوشل میڈیاکے تعاون کے ذریعے آگاہی مہم کا آغاز کر دیاگیاہے اور ضلع بھر میں سٹیمر ‘ بینرز ‘ پینا فلیکس آویزاں کرنے کی ہدایت کی گئی ہے ۔

اس ضمن میں پنجاب حکومت نے اس وائرس سے بچا? اور آگاہی کیلئے بھر پور مہم شروع کر دی ہے۔ تمام متعلقہ ادارے اس وائرس کے خلاف مشترکہ اقدامات کیلئے برسر پیکار ہوجائیں ۔انہوں نے سول ڈیفنس ہال میں محکمہ صحت کے زیر اہتمام کرونا وائرس سے آگاہی کے سیمینار سے خطاب کرتے ہوئے کہاکہ ڈینگی کی طرح کرونا وائرس کو بھی ہم اجتماعی کوششوں سے ماربھگائیں گے جس کیلئے ہمیں اجتماعی کوششوں کی ضرور ت ہے ۔

انہوں نے بعض مفاد پرستوں کی طرف سے اپنے ذاتی مفادات کے حصول اور ملکی مفادات کا نقصان پہنچانے والے عناصر کی افواہوں پر کان نہ دھرنے کی ضرورت پر زور دیا ۔ اس موقع پر محکمہ صحت کے ماہرین نے عوام کو آگاہ کیا کہ وہ گھبرائیں نہیں اور احتیاطی تدابیراختیار کریں ۔پر ہجوم جگہوں پر جانے سے گریز کریں۔ ہاتھ دھونے کیلئے صابن استعمال کریں۔متاثرہ اوردیگربیرون ممالک کے مسافروں کو بخار،کھانسی یا سانس کی تکلیف کی صورت میں ان کا فوری طبی معائنہ کروائیں۔

ماسک کا استعمال صرف کھانسی یا فلو کے مریض کریں ۔انہوں نے بتایا کہ حکومت پنجاب کی ہدایت کے مطابق دیہی مراکز صحت میں علیحدہ وارڈ قائم کر دیئے گئے ہیں جبکہ ان مراکز میں تشخیص اور طبی امداد کی مفت سہولیات بھی فراہم کی گئی ہیں ۔ انہوں نے پیرا میڈیکل سٹاف پر زور دیاکہ وہ محکمہ صحت کے تربیتی پروگرام میں شرکت کو یقینی بنائیں ۔ ڈی ایچ او ڈاکٹر سہیل اصغر قاضی نے کہاکہ عوام افواہوں پر کان نہ دھریں ۔

ماسک کا استعمال کرونا وائرس سے بچاوکا یقینی ولازمی حصہ نہیں ۔انہوں نے بتایا کہ محکمہ صحت نے کرونا وائرس کے ویکٹرز کو کنٹرول کرنے کیلئے مضبوط میکنزم وضع کر دیاہے جس میں بیرون ممالک سے سفر کرنے والے افراد کو ایئر پورٹس پر ہی سکریننگ کی سہولت فراہم کی گئی ہے جبکہ ڈپٹی کمشنر سرگودہاعبداللہ نیئر شیخ کی ہدایت پر آگاہی کیلئے تمام کیبل آپریٹرز او رسوشل میڈیاکے تعاون کے ذریعے آگاہی مہم کا بھی آغاز کر دیاگیاہے۔اس موقع پر ماہرین نے لیڈی ہیلتھ ورکرز اور پیرا میڈیکل سٹاف کو یونین کونسل کی سطح پر عوام میں آگاہی کی ہدایت کی ۔