محکمہ زراعت پنجاب کا ربیع و خریف کی فصلات کے لیے قرضوں کا اجراء

ہفتہ 7 مارچ 2020 16:53

راولپنڈی (اُردو پوائنٹ اخبارتازہ ترین - اے پی پی۔ 07 مارچ2020ء) محکمہ زراعت پنجاب نے فصل ربیع کیلئے 30ہزار روپے فی ایکڑ جبکہ فصل خریف کیلئے 50ہزار روپے فی ایکڑ بلا سود قرضوں کا اجراء کردیا ۔بلاسود زرعی قرضہ سکیم کے تحت 12.5ایکڑ تک زرعی اراضی کے مالک کاشتکاروں کو بھی بلا سود قرضوں کی فراہمی جارہی ہے۔اس سکیم میں 5ایکڑ زمین کے مالک کاشتکاروں اور مزارعین کو ترجیحی بنیادوں پر قرضو ں کا اجراء کیا جارہا ہے۔

(جاری ہے)

چھوٹے کاشتکاروں کی آسانی کیلئے بلاسود قرضہ اب تین کی بجائے ایک قسط میں جاری کیا جائے گا۔بلا سود زرعی قرضہ رجسٹرڈ کاشتکاروں کو فراہم کیا جائے گا لہٰذا غیر رجسٹرڈ کاشتکار اپنے متعلقہ اراضی ریکارڈ سنٹر پر مفت رجسٹریشن کرائیں۔پچھلے قرضہ کی بروقت ادائیگی پر آئندہ فصل کیلئے بلاسود قرضہ جاری کیا جائے گا۔کاشتکار بلا سود قرضہ حاصل کرنے کیلئے اخوت،نیشنل رورل سپورٹ پروگرام،نیشنل بنک آف پاکستان،ٹیلی نار مائیکرو فنانس اور زرعی ترقیاتی بنک لمیٹڈ سے رابطہ کریں۔