کورونا وائر س سے خوفزدہ ہونیکی ہرگز ضرورت نہیں ،پانچ وقت نماز قائم کی جائے ‘ رابی پیرزادہ

استغفار ،درود پاک کا ورد اور اس کے ساتھ ساتھ حفاظتی تدابیر بھی اختیار کی جائے ‘خصوصی گفتگو

جمعرات 19 مارچ 2020 19:33

کورونا وائر س سے خوفزدہ ہونیکی ہرگز ضرورت نہیں ،پانچ وقت نماز قائم ..

لاہور(اُردو پوائنٹ اخبارتازہ ترین - این این آئی۔ 19 مارچ2020ء) شوبز کو خیر باد کہنے والی سابق اداکار ہ و گلوکارہ رابی پیرزادہ نے کہا کہ ہمیں کورونا وائر س سے خوفزدہ ہونے کی ہرگز ضرورت نہیں ،پانچ وقت نماز قائم کی جائے ،اس کے ساتھ استغفار اور درود پاک کا ورد کیا جائے اور حفاظتی تدابیر بھی اپنائی جائیں۔

(جاری ہے)

’’ این این آئی‘‘ سے خصوصی گفتگو کرتے ہوئے رابی پیرزادہ نے کہا کہ پانچ وقت وضو کرنے سے ہاتھ اور چہرہ اور صاف رہتا ہے اور کورونا وائرس آپ کے نزدیک بھی نہیں آسکتا۔

ہم نے نماز سے دوری اختیار کر کے مالک کائنات کو خود سے دور کر لیا ہے ۔ کورونا وائرس نے چین ، ایران ،اٹلی اور یورپ میں سب سے زیادہ نقصان پہنچایا ہے ، خدا کا شکر ہے کہ بہت سے ممالک سے بارڈر جڑے ہونے اور فضائی رابطے ہونے کے باوجود یہاں ابھی تک حالات کنٹرول میں ہیں۔ ہم سب کو اللہ کے حضورتوبہ استغفار کرنی چاہیے اور خدا کی قربت کا بہترین ذریعہ پانچ وقت کی نماز ہے ۔