آزادکشمیر میں گزشتہ24گھنٹوں کے دوران کرونا وائرس کے 16 مشتبہ نئے کیس درج

پیر 23 مارچ 2020 22:43

مظفر آباد ۔ (اُردو پوائنٹ اخبارتازہ ترین - اے پی پی۔ 23 مارچ2020ء) آزادکشمیر میں گزشتہ24گھنٹوں کے دوران کرونا وائرس کے 16مشتبہ نئے کیس درج ہوئے جن کے ٹیسٹ لیکر نیشنل انسٹیٹیوٹ آف ہیلتھ سائنسز کو بھیج دیے گئے۔

(جاری ہے)

محکمہ صحت عامہ آزادحکومت ریاست جموں وکشمیر کی جانب جاری پریس ریلیز کے مطابق آزادکشمیر میں اب تک کرونا وائرس کے شبہ میں کل 60 افراد کے ٹیسٹ لیے گئے جن میں سے 40 کے نتائج آچکے ہیں اور 39 افراد میں کرونا وائرس کی موجودگی نہیں پائی گئی جبکہ ایک شخص میں کرونا وائرس پایا گیا ہے اور وہ قرنطینہ سینٹر میرپور میں زیر علاج ہے۔

20کے رزلٹ آنا باقی ہیں اور ان کی رپورٹ آئندہ ایک دو روز میںموصول ہو جائے گی۔ اس کے علاوہ محکمہ صحت کا عملہ آزادکشمیر کے تمام انٹری پوائنٹس پر موجود ہے اور انتظامیہ کے تعاون سے آنے والے مسافروں کی سکریننگ کررہا ہے۔