آزادکشمیر میں گزشتہ چوبیس گھنٹوں کے دوران07افراد میں کرونا وائرس کی تصدیق ہو ئی ہے ،محکمہ صحت

ہفتہ 9 مئی 2020 18:12

مظفرآباد(اُردو پوائنٹ اخبارتازہ ترین - این این آئی۔ 09 مئی2020ء) آزادکشمیر میں گزشتہ چوبیس گھنٹوں کے دوران07افراد میں کرونا وائرس کی تصدیق ہوئی ہے جن کا تعلق مظفرآباد سے ہے ۔112نئے افراد کے کرونا وائرس کے شبہ میں ٹیسٹ لیے گئے ۔ آزادکشمیر میں اب تک2780 افراد کے ٹیسٹ لیے گئے جن میں سی2668 کے رزلٹ آچکے ہیں اور86افراد میں کرونا وائرس کی موجودگی پائی گئی ہے جن میں سی62افراد صحت یاب ہو چکے ہیں اور انہیں ڈسچار ج کر دیا گیا ہے جبکہ24مریض زیر علاج ہیں۔

محکمہ صحت عامہ کی جانب سے جاری کردہ رپورٹ کے مطابق ڈی ایچ کیو راولاکوٹ سی12، ڈی ایچ کیو کوٹلی سے 06،ڈی ایچ کیو باغ سے 02،ٹی ایچ کیوسدھنوتی سے 08مریض،ڈی ایچ کیو بھمبر سے 15،جبکہ نیوسٹی ہسپتال میرپور سے 12،آئسولیشن ہسپتال مظفرآباد سے 04،ٹی ایچ کیو ہسپتال ڈڈیال میرپور سی03 مریض صحت یاب ہوئے جنہیں ڈسچارج کر دیا گیا ہے۔

(جاری ہے)

کرونا کی24مریضوں میں سی6ڈی ایچ کیو ہسپتال کوٹلی، 01 ڈی ایچ کیو ہسپتال باغ،02ڈی ایچ کیو ہسپتال سدھنوتی، 01ڈی ایچ کیو بھمبر،14 آئسو لیشن ہسپتال مظفرآبادمیں زیر علاج ہیں۔

رپورٹ کے مطابق 2613افراد میں کرونا وائرس کی موجودگی نہیں پائی گئی اور78افراد کے ٹیسٹ کے رزلٹ آنا باقی ہیں۔نئے افراد کے کرونا کے ممکنہ کیسز کے حوالہ سے لیے گے ٹیسٹ کی رپورٹ ایک دو روز میں آجائے گی۔ رپورٹ کے مطابق تمام اضلاع میں 61قرنطینہ سینٹرز قائم کیے گئے ہیں۔ تمام انٹری پوائنٹس پر محکمہ صحت کا عملہ موجود ہے جو ہمہ وقت مسافروں کی سکریننگ کررہا ہے۔

ویرالوجی لیب عباس انسٹی ٹیوٹ آف میڈیکل سائنسز ، ڈویژنل ہیڈکوارٹر ہسپتال میرپوراور سی ایم ایچ راولاکوٹ میں پی سی آر ٹیسٹنگ ہو رہی ہے۔ورلڈ ہیلتھ آرگنائزیشن کے تعاون سے آزادکشمیرمیں قائم تمام آئسولیشن سنٹرز میں انفکیشن ، پری وینشن اینڈ کنٹرول (IPC)ٹریننگ کا آغاز کر دیا گیا ہے۔ تمام انٹری پوائنٹس پر ضلعی ریپڈریسپانس ٹیمیں اور صحت کا عملہ کرونا سے متاثرہ علاقوں سے آنے والے لوگوں کی مکمل سکریننگ کر رہا ہے ۔آزادکشمیر کے اضلاع سدھنوتی، بھمبر ، کوٹلی ، میرپور ، نیلم، باغ، اور مظفرآباد کی ریپڈ ریسپانس ٹیمیں کرونا وائرس کے تصدیق شدہ افراد سے رابطہ میں رہنے والے افراد سے رابطہ کر کے انہیں قرنطینہ سنٹرز اور ہوم قرنطینہ کر رہی ہیں۔