کورونا وبا کے باعث اس سال عیدالفطر سادگی سے منائی جائیگی ،اسفندیارولی

بدھ 20 مئی 2020 22:39

پشاور۔ (اُردو پوائنٹ اخبارتازہ ترین - اے پی پی۔ 20 مئی2020ء) عوامی نیشنل پارٹی کے مرکزی صدر اسفندیارولی خان نے کہا ہے کہ کورونا وبا کے باعث اس سال عیدالفطر سادگی سے منائی جائیگی اور ولی باغ چارسدہ میں مبارکباد دینے کیلئے کسی قسم کی تقریب کا انعقاد نہیں کیا جائیگا۔

(جاری ہے)

عیدالفطر سے قبل کارکنان کے نام پیغام میں اے این پی سربراہ کا کہنا تھا کہ کورونا وبا ایک حقیقت ہے اور انسانیت کو بچانے کیلئے اسے سنجیدگی سے لینا ہوگا بصورت دیگر امریکا، برطانیہ، سپین اور اٹلی کی طرح یہاں بھی تباہی آسکتی ہے۔

وبا کے دنوں میں سماجی فاصلہ اور میل جول سے اجتناب ہی واحد حل ہے۔ تمام عہدیدار اس بات کو یقینی بنائے کہ اپنے حجروں اور گھروں پر بھیڑ جمع ہونے نہ دیں اور جہاں بھی عید کی مبارکباد کیلئے عام حالات میں لوگ جمع ہوتے ہیں وہ اس بار اجتماعات نہیں ہوں گے اور تمام افراد سماجی فاصلے سمیت دیگر احتیاطی تدابیر اختیار کریں۔۔