پاکستانی آم رواں سیزن 40 فیصد کم برآمد ہو گا

پچھلے سیزن 9 کروڑ ڈالر کا ایک لاکھ 30 ہزارٹن آم برآمد ہوا تھا تاہم رواں برس کورونا وائرس کی وجہ سے آم کی طلب کم رہے گی، پی ایف وی اے

جمعہ 22 مئی 2020 22:16

پاکستانی آم رواں سیزن 40 فیصد کم برآمد ہو گا

اسلام آباد (اُردو پوائنٹ اخبارتازہ ترین - این این آئی۔ 22 مئی2020ء) کورونا وائرس کے پیش نظر رواں سیزن میں پاکستانی آم 40 فیصد کم برآمد ہو گا۔پاکستان فروٹ ویجیٹیبل ایکسپوٹرز ایسوسی ایشن کے سرپرست اعلیٰ وحید احمد کے مطابق آم کا رواں برآمدی سیزن مشکل ترین ہوگا۔سرپرست اعلی پی ایف وی اے کے مطابق پاکستانی آم رواں سیزن 40 فیصد کم برآمد ہوگا۔

(جاری ہے)

وحید احمد کے مطابق آم کا برآمدی ہدف رواں سیزن 80 ہزار ٹن مقرر کیا ہے جس سے 5 کروڑ ڈالر حاصل ہوں گے۔پی ایف وی اے کے سرپرست اعلیٰ کا کہنا ہے کہ پچھلے سیزن 9 کروڑ ڈالر کا ایک لاکھ 30 ہزارٹن آم برآمد ہوا تھا تاہم رواں برس کورونا وائرس کی وجہ سے آم کی طلب کم رہے گی۔انہوںنے کہاکہ سیاحت، ہوٹلنگ اور شاپنگ سینٹرز بند ہونے سے آم کی طلب کم ہوئی جب کہ ائیرلائنز نے یورپ اور مشرق وسطیٰ کا کرایہ 200 فیصد بڑھا دیا ہے۔پاکستان فروٹ ویجیٹیبل ایکسپوٹرز ایسوسی ایشن نے مطالبہ کیا کہ کورونا وائرس کے باعث حکومت رواں سیزن آم ایکسپورٹ پر فریٹ سبسڈی فراہم کرے۔